Jump to content


txog caij ua noj


2 replies to this topic

#1 HMOOB_1leeg_*

HMOOB_1leeg_*
  • Guests

Posted 05 April 2011 - 08:05 AM

ib lub xyoo tib ncig los txog
neeg zej zog mus teb zom zaws
luag sib raws mus ua tsheej pab
ntsuag khaub hlab ces mus tib leeg
zoo nuj ntxeeg luag mus hom tas
ntsuag li mas yog nthua quav nroj
dob quab poj nthua luag qub teb
lam cog seb puas yuav tau noj
ntsuag nthua nroj nrog lub kua muag
niam txiv tuag tseg ntsuag no nyob
nrog txiv hlob los luag tsis hlub
lawv ntxub ntxub ces nyob tsis taus
ntsuag raug ntaus yam nkaus tus tsiaj
ces ntsuag thiaj mus nrog txiv ntxawm
los raug tsawm ua hnub ua hmo
zoo li ko cas tsis tuag mus
ntsuag nyob tus ntsais muag duj doom
luag muab khoom ces ntiab ntsuag tawm
ces ntsuag txawm mus rau tus phauj
phauj lub ncauj los heev tas zog
phauj tias yog ntsuag thab phauj ntxhais
phauj tuaj hais rov rau txiv hlob
ces ntsuag nyob tsis tau ntxiv mus
zoo li yus mus raws dab laug
thaum ntsuag taug kev mus ib leeg
me nplooj zeeg los ntsuag yeej quaj
hnov cua tuaj los kua muag poob
me nyuam hmoob tus tseem me me
zaum no ntshe yus yuav tau peem
ntsuag mam xeem los thov dab laug
ntaus ib zaug tau ib rab riam
ua ntsuag nyiam muab rau ntsuag siv
los mus chiv ua ntsuag lub neej
ntsuag no yeej tsis muaj taus txuas
ntsuag thiaj xuas raim luaj quav nroj
teb quav poj tej nroj tseem yau
raim luaj tau es thiaj tsis nyuaj
ntsuag mas quaj ntau pluas nco txiv
lub neej chiv mas nyuaj luaj no
ntsuag mas nco niam tas li thiab
hauv ntsuag siab mas twb xav tuag
hos kua muag los poob tsis tseg
luag teb peg luag twb luaj tiav
ntsuag tseem txiav tsis tau nto luag
nram qab ntsuag xyoob ntsuag ntoo
twb rov zoo luab dua lawm thiab
kev nyuaj siab ntsuag muaj tas li
kua muag si nrog ntsuag tas hnub
thov ntuj hlub me ntsuag thiab mog
txawm tias yog niam txiv tuag tas
ntuj thov mas ho los pab coj
ntsuag ua noj kom ntsuag tsheej neeg
zej zog neeg luag twb cog thoob
ntsuag li qoob tseem tsis taug cog
neeg tuaj txog dhau ntsuag thaj teb
luag tias seb niag ntsuag tus qab
txiv tsis pab niam tsis los coj
yog tau noj mas thiaj li xam
nej txhob tham niag ntsuag tu qab
txhob lam thab niag neeg hmoov hlob
tsam dab xyob txhiaj ho raws nej
mas neeg zej yeej tsis hlub ntsuag
vim niam tuag hos txiv qaug lawm
ntsuag lam kawm li qhov ntsuag pom
seb yav tom ntej ntsuag puas zoo
lub niaj xyoo ntsuag puas tau noj
ntsuag plab loj thiaj tsis muaj ntxiv lawm mog lawv

#2 HMOOB_kou_*

HMOOB_kou_*
  • Guests

Posted 06 April 2011 - 11:30 AM

nyob khosiab ua luaj no es puas muaj lub paj twg yuav los ua kuv li os lub paj
xam tias nyob hauv qab ntuj no twb tsis tus yuav kho siab npaum kuv no os lawv...
nyob mloog lub siab quaj tsis muaj tus los hlub li tsuas yog nyob ntsoos li qaib mob aws yuav tuag xwb
puas muaj leej twg los hlub os lawv../

#3 HMOOB_john_*

HMOOB_john_*
  • Guests

Posted 06 April 2011 - 11:51 AM

nyob los kua muag tsis muaj leej twg yuavpaub os



Reply to this topic



  


0 user(s) are reading this topic

0 members, 0 guests, 0 anonymous users