Jump to content


- - - - -

Hmoob Meskas Kev Mus Yuav Pojniam Ua Neej Nyob Thaib thiab Nplog

Mus Puag Nkauj Mog Nyob Laos thiab Thaib teb

6 replies to this topic

#1 HMOOB_Nraj Toog_*

HMOOB_Nraj Toog_*
  • Guests

Posted 20 July 2015 - 09:18 PM

Kuv lub neej kuv yeej npaj siab ntsoov hais tias, "Thaum kuv so hauj lwm kuv yuav mus yuav ib tus me nkauj mog niam mos ab thiab nrog nws nyob tim Nplog kom txog hnub tsis muaj yus"  tab sis ua li cas kuv tus phoojywg mus yuav tau ib tus nkauj mog nyob thaib, tam sim no nws zeem kiag lawm.  

 

Tus phoojywg no yeej muaj pojniam thiab menyuam coob nyob Meskas lawm tab sis nws ua movies ces cia li mus yuav tau pojniam mos cia nyob Thaib teb.

 

Qhov Zoo:

                     Nkawv 2 niam txiv yeej ua movies tau nyiaj ntau heev li thiab nyob tau muaj ntsej muag thiab muaj meej mom lom zem xauv npo

                     Yuav tau vajtse liaj teb ntau cia

                     Phoojywg tuaj nyob npoj ntws 24 hours zov tsev

 

Qhov Tsis Zoo:

                     Nws yog Hmoob Meskas ces tej phoojywg niaj hnub tuaj txais nyiaj 

                     Nws yuav tau yug cov neeg tuaj nrog nws nyob txhua hnub

 

Los rau tam sim no movies los muag poob tsis zoo lawm.  Nws tsis muaj peev nyiaj txiag mus ua movies ntxiv lawm.  Phoojywg tuaj nyob npoj ntws lom zem xauv npos yuav noj yuav haus thiab txais nyiaj siv.  Nws hais tias, yog leej twg txais nyiaj mas tsis zoo yig li txawm tsis muaj nyiaj kiag los yuav tau muab me me pub lawv, tsis li ces yuav muaj tej yam tsis zoo tshwm rau yus tsev neeg ntag.

 

Tam sim no nws txiav txim siab tos nws pab niam tub tim Thaib tuaj Meskas lawm vim nyob tsis taus li no ntxiv li lawm.

 

Qhov no ua rau kuv siab me ntshai mus ua lub neej tshiab nyob sab Asia lawm.

 

 



#2 HMOOB_Guest_*

HMOOB_Guest_*
  • Guests

Posted 21 July 2015 - 08:36 PM

Tus kwv tij aws.....ntshe koj cov lus muaj tseeb heev pob.

Hos kuv paub mas muaj tej tug uas tsis xav mus tabsis lub tebchaw nod tsis pub nws nyob tim nov lawm ces yuav tau mus thiaj dim ua neeg nyob ntev.

Luag txib ncaj mus ncaj, luag txib nkhaus mus nkhaus ces thaum haujlwm tiav lawm luag kuj tso nws rov los nyob ywj siab thiab tau lub neej ua raws siab xav.

 

 



#3 HMOOB_Peeb Zeej_*

HMOOB_Peeb Zeej_*
  • Guests

Posted 22 July 2015 - 10:55 PM

Kuv twb mus yuav pojniam nyob Nplog teb tau 2 xyoo, nyob tsis taus ces kuv tau rov los nyob Meksas lawm cia niam me nyob tim Nplog qhov yuav tos tau thiab tsis tau ces sib npaug zos. Lub neej nyob Nplog kho siab thiab nyob tau txom nyem ntsuav xwb, tsis tag li los tej neej tsa ntsia ntsoov yus xwb ces yus yuav tau hlub lawm li qhov yus ua tau tab sis thaum kawg yus yog tus txom nyem.



#4 HMOOB_Guest_*

HMOOB_Guest_*
  • Guests

Posted 23 July 2015 - 03:10 AM

Leej twg qhia rau nej hais tias mus nyob tim teb chaw nplog/ Thaib teb tsis txom nyem no mas?.

Cov tuaj hauv no kuv paub tias feem coob yeej yog kuv phaum lawm thiab.

Nyob lub tebchaw twg los yeej txom nyem ib yam nkaus li os thiab hais cuag peb tsis tau nyob tim ub tuaj.

Nyob rooj teb nov los yus mus khwv tag twb tsis txaus them nqi vaj nqi tsev, nqi noj, nqi haus twb yuav luag tsis nto hli.

Khwv tag niaj tag xyoo yeej tsis txaus coj mus them mes kas.

Yus tej niam txiv yeej tsis sib ntsib tag niaj tag xyoo.

Thaum los sib ntsib ces twb yog thaum nyias nkees nkees nyias lawm xwb.

Tsis khwv tiag yeej tsis tau noj tsis tau haus thiab tsis tau tsev nyob.

Tsis tag li ntawd tseeem muaj neeg phem coob kawg nkaus ntxias dag yus tej txij nkawm thiab yog tsis ceev faj tiag tiag ces lub neej tawg tas haj yam kho siab tshaj plaws thiab tso tej me tub me ntxhais nyob txom nyem ntshaw luag teb luag chaw.

Lub tebchaw vam meej nov mas muaj cov neeg phem kawm txuj ci rov los rhuav nws haiv neeg xws li mus xiab nais maum lom nws cov neeg.

 

Yog mus tau ces thaum kuv yuav puv 120 xyoo lawm kuv yuav rov mus hau qe noj tim ub vim kuv tsis xav kom tus nais maum twg muab kuv lub cev hlais ua li ub li nov.



#5 HMOOB_Peeb Zeej_*

HMOOB_Peeb Zeej_*
  • Guests

Posted 23 July 2015 - 06:13 AM

Kuv xav cov neeg mus xiab nais maum lom yus cov neeg ko ntshe yog tus niam tham tau hluas nraug Nplog teb es tus niam thiaj mus ntiav kom lawv lom tus txiv xwb os, los sis tus txiv tham tau nkauj mog tim nplog lawm es thiaj mus ntiav kom nais maum lom tus niam xwb.  

 

Nyob Nplog mas kev txom nyem vim ib leeg yuav hlub ntau leej, nyob meskas mas txom nyem vim nuj nqi ntau.  Kev txom nyem nyias muaj nyias kis.  Thaum ntej xav tias tau nyiaj so hauj lwm ib hlis $2000 tawm yuav txaus mus siv nyob tim Nplog tab sis thaum sim kiag lawm tsis zoo li siab xav li txawm tsis muaj nuj nqi dab tsi them los yus tej neej tsa coob coob txom txom nyem ces hlub twb tsis txhua yus twb khaub khaub hlab lawm os.



#6 HMOOB_Guest_*

HMOOB_Guest_*
  • Guests

Posted 23 July 2015 - 04:54 PM

Yeej yuav tau liam li koj thiab thiaj yuav tau me ntsis haujlwm liam ua hauv qab rooj vim peb twb tham tau ntau xyoo txog hau kav ywm rau cov laus cov tsis taus noj lawm.

 

Yog cov neeg txom nyem raug tshem ces tsis ntev cov neeg nyob lub tebchaw ntawd yuav tsis muaj laj kam ua lawm thiab lub teb chaw ntawd yuav dhau mus ua communist lau.

Tus muaj yuav muaj muaj hos tus txom nyem yuav txom txom nyem.

Leejtwg muaj kwv tij coob thiab muaj nyiaj ntau ces lawv yuav tsa ua huab tais kav lub tebchaw ntawd ntag.

 

 



#7 HMOOB_Guest_*

HMOOB_Guest_*
  • Guests

Posted 24 July 2015 - 04:31 AM

Yog kwv tij coob ib leeg nqa ib hnab txhuv, ib leeg nqa ib tus npua, ib leeg nqa ib tus qaib, ib leeg nqa ib tus ntses tuaj rau yus ntag ces yus yeej tau huab tais sai xwb mas, tab sis yog kwvtij coob ib leeg nqa ib lub plab tshaib tshaib tuaj noj xwb ces ib pliag txiv hmoob Meskas kob huam tag cia li tso tes plau lawm xwb tiag.





Reply to this topic



  

0 user(s) are reading this topic

0 members, 0 guests, 0 anonymous users