Jump to content


Tus Ntawv yuav coj Hmoob Ciaj

tsuas muaj tib tug xwb

28 replies to this topic

#1 HMOOB_Taw Qhia_*

HMOOB_Taw Qhia_*
  • Guests

Posted 04 January 2014 - 02:08 PM

 Nyob zoo sawv daws,

Hmoob muaj ntau tus ntawv, tiam sis tus ntawv yuav coj Hmoob kom rov ciaj dua tsuas yog tus ntawv Keeb (ntawv Phaj Hauj xwb), tsis muaj lwm tus lawm. 

Kawm lwm haiv neeg li txuj thiab ntawv ces txog thaum kawg ua luag qhev xwb, vim nws yog tsim los txhawb thiab tsa luag ua neej xwb, tsis tau yog tsim los txhawb thiab tsa Hmoob ua neej.  Tsuas yog kawm kom paub ua luag li nuv xwb (kawm kom txawj xwb, tsis ntse).  Yus kawm yus li noob ntaub noob ntawv, phuav pheej teej tug ua neej ces nws los txhawb yus lub neej, nthuav yus li txuj rov los kho yus, thiab tsim kev nrhiav noj nrhiav haus tshiab.  Yus tus ntawv thiaj yog tus yuav los qhib tau yus phuaj pheej teej tug nyob hauv txhua tus me nyuam Hmoob lus siab lub ntsws, rov los txhim kho Hmoob.  Hmoob yeej yuav muaj tebchaws 100%, tiam sis ua ntej ntawv, Hmoob yuav tsum paub Hmoob li ntawv.



#2 HMOOB_Qhua Yaiv_*

HMOOB_Qhua Yaiv_*
  • Guests

Posted 04 January 2014 - 04:07 PM

Tus phoojywg hais txog tus ntawv Hmoob mas yeej zoo lawm thiab tab sis hais txog Hmoob txuj ci mas tseem poob qab deb heev.  Tus ntawv Hmoob xwb yuav pab tsis tau Hmoob dab tsi ntau vim Hmoob cov lus mas tseem yuav tau tsim kom muaj txhua ua ntej yuav mus kawm tau lwm haiv neeg tej txuj ci.  Hais txog lus sib tham xwb ces Hmoob cov ntawv yeej siv tau lawm, tab sis hais txog sab kawm ntaub kawm ntawv thiab lwm yam mas Hmoob cov lus tseem tsawg heev li. Ntawv Phaj Hauj yog Hmoob teej Hmoob tug tiag, nej yuav tau tsim lus Hmoob kom ntau zuj zus mus saib lawm yav pem suab Hmoob puas yuav ciaj taus ib haiv os nawb. 



#3 HMOOB_tu siab yug yog hmoob_*

HMOOB_tu siab yug yog hmoob_*
  • Guests

Posted 05 January 2014 - 04:56 AM

Nyob zoo tsoom phooj ywg, kuv yog ib tus me nyuam hmoob nyob rau nplog teb. kuv xav tias hais txog peb hmoob  tus ntawv mas yeej muaj los ntej lawm tiam sis mas tsuas yog peb moob siv thiaj paub xwb lwm haiv neeg yeej tsi nrog peb hmoob paub li, tsi tag li peb hmoob los twb tsi muaj ib lub teb chaws los ib thaj av uas yog peb hmoob li ntiag tug. nej puas tu siab na.... kuv yog ib tus me nyuam hmoob nrog nplog nyog ua hauj lwm nrog nplog muaj qee yam mab sua hais tau tu siab rau peb cov hmoob heev li. qee zaug ua rau yug tag kev cia siab twb ywm vim yug yog hmoob los nyob luag lub teb chaws thiab muab luag lo lus los hais xwb... qhia rau peb tsoom kwv tij hmoob tias peb zoo  li cov dev uas  tsaws qaij rau luag noj xwb.   kuv xav mas ua ntej tshaj peb yuav tau los nqua hu peb haiv hmoob nyob thoob qab ntuj cov tub txawj ntxhais ntse kom sawv daws los thooj siab koom ntsws thooj npab koom tes mus nrog  UN ntiaj teb tham txog hmoob daim av los yog ntshiav ib lub teb chaw rau hmoob nyob ua hmoob tug qhov no ntshe yuav zoo lub tswv yim ua ntej ntais xwb.... cov npawg nej ho xav li cas thiab ?



#4 HMOOB_Taw Qhia_*

HMOOB_Taw Qhia_*
  • Guests

Posted 05 January 2014 - 06:55 PM

Nej txhob txhawj txog peb Hmoob cov lus, vim Hmoob no tseem yuav loj hlob xwb.  Luag tus ntawv thaum pib twb tsis muaj keeb kwm zoo li peb tus, tsuas yog luag lees los kawm thiab kho rau xwb.  Tom qab no luag thiaj li ntsa paug.  Thawj kauj ruam ces tsuas yog peb yuav tsum lees thiab kawm xwb.  Vim nws tsis yog hnub no tag kis, nws yuav txhim kho mus ntev heev li.



#5 therOOts

therOOts

    Advanced Member

  • Members
  • PipPipPip
  • 99 posts

Posted 05 January 2014 - 09:26 PM

Nyob zoo sawv daws,
Hmoob muaj ntau tus ntawv, tiam sis tus ntawv yuav coj Hmoob kom rov ciaj dua tsuas yog tus ntawv Keeb (ntawv Phaj Hauj xwb), tsis muaj lwm tus lawm. 
Kawm lwm haiv neeg li txuj thiab ntawv ces txog thaum kawg ua luag qhev xwb, vim nws yog tsim los txhawb thiab tsa luag ua neej xwb, tsis tau yog tsim los txhawb thiab tsa Hmoob ua neej.  Tsuas yog kawm kom paub ua luag li nuv xwb (kawm kom txawj xwb, tsis ntse).  Yus kawm yus li noob ntaub noob ntawv, phuav pheej teej tug ua neej ces nws los txhawb yus lub neej, nthuav yus li txuj rov los kho yus, thiab tsim kev nrhiav noj nrhiav haus tshiab.  Yus tus ntawv thiaj yog tus yuav los qhib tau yus phuaj pheej teej tug nyob hauv txhua tus me nyuam Hmoob lus siab lub ntsws, rov los txhim kho Hmoob.  Hmoob yeej yuav muaj tebchaws 100%, tiam sis ua ntej ntawv, Hmoob yuav tsum paub Hmoob li ntawv.

Tus phooj ywg ..koj tias tus ntawv hmoob Phajhauj yog tus yuav coj Hmong rov CIA haiv dua. Kuv hais tias tej zaum kojhais Yuma Kev lawm pob. Kuv noog koj tias Peb haiv hmoob nyob thoob qab ntuj no kuv ntseeg tias muaj Tsi tshaj 2% Txawj tus Phaj hauj. Tiam si tus latees muaj 99.9% Txawj. tus yuav coj hmoob ciaj haiv mas kuv xav tias yog tus Latees lawm 50% yuav coj tau hmoob, yog peb xaiv tus Phaj hauj mas peb tseem yua poob qab li 100 Xyoo rov Tom qab ntxiv thiab,vim tias peb tseem yuav tau pib kawm dua txhua tus mas tseem yuav poob qab dua.

#6 HMOOB_Taw Qhia_*

HMOOB_Taw Qhia_*
  • Guests

Posted 06 January 2014 - 02:26 AM

Seb puas xav kom yus ua luag qhev tas, yus cov me tub me nyuam rov ua luag qhev mus, txheej dhau txheej, tiam dhau tiam.  Kev txiav siab yog thaum twg?  Yim sej yim lig rau koj lawm.  Txoj yoojyim yog txoj tuag xwb mog cov me Hmoob tsis tau pom kev.



#7 HMOOB_Tswv Pej Fab_*

HMOOB_Tswv Pej Fab_*
  • Guests

Posted 06 January 2014 - 02:57 AM

Cov ntawv Hmoob Phaj Hauj tsuas yog tus puav Hmoob kawm tom tsev xwb.  Cov ntawv Hmoob Latin ces twb kawm muaj nyob rau hauv University thiab High School lawm.  Hmoob Latin mas neeg Hmoob thoob qab ntuj yeej txawj lawm, tab sis tus ntawv Hmoob Phaj Hauj no tseem tsis tau muaj neeg txawj coob li.  Kawg ces sawv daws yuav tuav tus ntawv neeg paub coob xwb.  Nej tus ntawv Phaj Hauj, nej yuav tau muaj nyob tshav pob thiab sau tawm kom ntau ntau saib sawv daws puas yuav nrog nej txawj thiab nrog nej siv.  Tam sim no kuv twb tsis paub xyov tus ntawv Hmoob Phaj Hauj zoo li cas li ne.  Leej twg tsis paub li kuv thiab?  Kuv hnov lawv tham tias tus ntawv Hmoob Phaj Hauj mas sau tau tsawg me ntsis thiab meej dua tus ntawv Hmoob Latin no tab sis tsis tau pom dua thiab tsis txawj li ne yuav ua li cas siv tau nas.    

 



#8 HMOOB_85tvpp_*

HMOOB_85tvpp_*
  • Guests

Posted 10 January 2014 - 03:55 AM

Ntawv phajhauj????  Ua ntej yuav kawm tau tus ntawv phajhauj tseem yuav tau muab tus ntawv lastees los coj kev thiaj li kawm tau xwb.  Yuav ua cas tus ntawv phajhauj no thiaj li coj tua hmoob???  Tsis ntseeg los saib nov tau.

 

 

Attached Thumbnails

  • dfd.jpg


#9 HMOOB_Pw_*

HMOOB_Pw_*
  • Guests

Posted 11 January 2014 - 01:18 AM

Kuv nyem thiab saib nej cov lus nej sau hauv no mas zoo li feem coob tseem tsis tau paub txoj kev ciaj haiv. Txoj kev ciaj haiv mas yog yus yuav tsum muaj yus ntawv thiab chij. Tus ntawv Las Tees, tseem yuav nyiam muaj Hmoob paub 100%, 200% los tus ntawv no yog txiv plig Nyiaj Pov txim los kom Hmoob paub Vaj Lus Kub (Yexus) xwb. Thaum txiv plig Nyiaj Pov tsis tau tuag, nws twb txwv thiab hais tias tus ntawv no tsis yog Hmoob tus thiab Hmoob tsim. Yog li, tus ntawv Las Tees no Koom Haum ntiaj teb thiaj tsis kav muab los zwm ua Hmoob tus ntawv. Tus Phaj Hauj thiab tus chij tau hau Xob, Koom Haum ntiaj teb thiaj kam muab zwm lawm, tab sis Hmoob tsis tau muaj teb chaw. Qhov tias Hmoob yuav muaj teb chaws 100%, qhov no tseem yog qhov kev npau suav xwb.



#10 HMOOB_Guest_*

HMOOB_Guest_*
  • Guests

Posted 12 January 2014 - 02:05 PM

(Note: Laos is still very, very Dangerious!!!)

Nej ceev faj ua ntej nej mus nkag ncig ua sis rau hauv teb chaw Nplog.

 

Tej zaum nej xav tia niam no teb chaw Nplog tsis muaj tsov tsis muaj rog lawm.  Nej xav ntshes mus sis rau hauv teb chaw Nplog yov yooj,yooj yim lis nej lub siab xav.  Qhov ntawd nej xav tau yuam kev zoo ib yam lis kuv lawm nawb.  Kuv tau mus ncig ua sis tau zau rau hauv teb chaw Nplog.  Kuv kuj tau mus ncig ua sis rau txhua qhov che chaw txhua nrhos kuv kuj siab loj tsis ntshais dab tsis tiam sis qhov ua kuv tsis nco qab ntshai ntawd yog ib qho ua kuv yuam kev loj heev. 

 

Xyoo 2013 - 2014 no, kuv kuj tau xas kuv daim Passport mus ua Visa rau tom Nplog lub Lao Embassy nyob rau hauv Washington D.C. kom kuv tau mus ncig ua sis noj peb caug rau hauv teb chaw Nplog.  Tom qab lawv rov xas kuv daim Passport rov tuaj txog, Nplog lub Lao Embassy nyob rau tom Washington D.C. yeej tau tsos cai rau kuv mus ua sis rau hauv teb chaw Nplog tiam sis thaum kuv mus txog rau hauv Vientiane thiab kuv yov tau mus hlas ntawm Thai-Lao Border ntawd, cov tub ceev xwm Nplog ua hauj lwm nyob rau ntawm ciam teb ntawd tsis kam ntau lub thwj kom muaj hnub nkag mus rau hauv teb chaw Nplog rau daim Passport.  Lawv cia lis kom kuv mus rau hauv teb chaw Nplog xwb kuj ua rau kuv poob siab xav tia ua cas txhua zau kuv los ua sis rau hauv teb chaw Nplog, lawv ntau ib lub thwj muaj hnub kuv ncag mus rau hauv teb chaw Nplog ua cas zaum no lawv cia lis kom kuv mus xwb.  Kuv thiaj lis rov nug tus tub ceev xwm Nplog ua hauj lwm nyob rau ntawm Thai-Lao Border ntawd tia vim lis cas nws hos tsis ntau hnub kuv nkag mus rau hauv teb chaw Nplog kom pom rau ntawm kuv daim Passport.  Nws hais tia nws tib muab kuv daim passport npa thwv tseg nyob rau hauv Computer tseg lawm.  Nws kom kuv mus tsuag, tsuag xwb.  Kuv kuj maj nroo mus rau hauv teb chaw Nplog lis nws hais thiab.  Kuv mus ncig ua sis noj peb caug tuaj yov luag muaj ib hlis ces kuv mam lis rov los txog rau ntawm Thai-Lao Border nyob rau hauv Vientiane ntawd.  Thaum kuv los txog rau ntawm border ces muaj ib tug poj niam Nplog ua kuj ntau tau ib lub thwj rau kuv daim visa Nplog nyob rau hauv kuv Passport.  Thaum kuv tawm los txog rau ntawm qho chaw nce tseb yov hlas tus dej Mekong ces muaj ib cos tub ceev xwm yog cov neeg kuaj cov Passport.  Cov neeg ua kuv nces ces lawv kuj lam saib dog saib dig.  Thaum los txog rau ntawm kuv daim Passport ces lawv mus muab nthuav mus nthuav los thiab saib ntev, ntev.  Kuv thiaj lis xav zoj tia vim nws yov mus saib kuv daim Passport ntev ua luaj es yog vim tus dab tsis.  Nws saib tag ces nws txawm hais rau kuv tsis muaj lub thwj ntau nkag mus rau hauv teb chaw Nplog.  Kuv thiaj lis teb rau nws tia thaum kuv los rau hauv kom tib kom ntej ntau lub thwj kom muaj hhnub nkag mus rau hauv teb chaw Nplog es nej tib tsis kam ntau.  Nej kom kuv mus tsuag, tsuag.  Nej hais tia nej tib muab kuv daim Passport npa thwv tseg kom kuv tsis txhob txhawj.  Kuv thiaj xas tia ntshes nej tib npa thwv tseg lis nej hais lawm es vim lis cas nej hos rov liam tia kuv nkag mus rau hauv teb chaw vuam cais no.  Kuv tib xas kuv daim Passport mus rau nej lub Lao Embassy nyob rau Washington D.C. tsos cais rau kuv nas vim lis cas nej hos hais kuv nkag mus rau hauv teb chaw Nplog phiv nej tus cais no.  Kuv kuj tau mus nrog ciag Nplog tus thawj tub ceev xwm tham kiag ces nws hais tia kom kuv them $100 mas nws thiaj lis tsos kuv mus.  Kuv teb nws kuv tsis muj nyiaj.  Kuv tib muab nyiaj siv tag lawm.  Kuv hais rau nws tia kuv los ua sis rau hauv nej lub teb chaw Nplog no kuv yeej tau cais ntawm nej lub Lao Embassy muab cais rau kuv.  Kuv thiaj lis los ua sis rau hauv nej lub teb chaw.  Yog tia nej tsis kam los ces nej kuv tsis cia kuv nkag mus rau hauv nej lub teb chaw.  Nej cia kuv nkag mus ua sis rov los txog ces nej yov liam kuv tia kuv mus txhaum cai es nej pua muaj kev ncaj ncee tiag, tiag rov cov neeg sawv daw los mus ncig ua sis rau hauv nej lub teb chaw no.  Kuv kuj hais rau nws tia yog peb tsis los ncig ua sis ces nej lub teb chaw no yeej tsis kev lag luam.  Nej haj yam yov tsom nyem.  Txawm kuv yov hais npaum twg rau tub thwj tub ceev xwm ntawd los nws hais tia kuv yov tsum tau them $100.  Yog lis ntawd kuv thiaj lis them tau $100.  Lawv kuj muab daim Passport coj mus laim tseg tia kuv ncag mus rau hauv teb chaw yuam cais tseg.  Qhov no yog lawv lam txwm ua tsis muaj kev ncaj ncee rau cov neeg mus ncig ua sis rau hauv lub teb chaw Nplog.  

 

Yog tia Nplog lub Lao Embassy nyob rau hauv Washington D.C. lam tuaj tsos cais dag rau sawv daw kom nkag mus sis rau hauv teb chaw Nplog  kom yuam cais ces sawv yov tsum muab lub Lao Embassy nyob rau hauv Washington D.C. ntawd ntiab rov mus tsev tsis txhob lub Lao Embassy ntawd tuaj lam ua ntau ntawv dag sawv daw kom yuam cai.  Yog nej leej twg ntsib qhov teeb zoo lis kuv qhov no ces peb yov tsum tawm ib lub suab hais ib los lus.  Peb yov tsum tau ua ntaub ua ntawv mus rau tom US Congress & United Nations.  Txhua, txhua lub teb chaw ua muaj Lao Embassy ua Lao Visa dag kom sawv daw mus muaj kev txhaum rau hauv teb cahw Nplog yov tsum ntiab Lao Embassy rov mus tsev vim lawv yog ib cos Lao Embassy dag xwb.  

 

Nej leej twg hos tau mus ua sis rau hauv teb chaw Nplog thiab lam raug Nplog liab liam teeb meem nyob rau hauv teb chaw Nplog no ces nej tsis txhob ua siab deb.  Nej yeej meem tuaj nthuav qhia nej qhov teeb meem rau sawv nrog pom.  Thaum muaj ntau txog lis 10 - 20 tawm leej phi nya lawm ces peb muaj peev xwm ua ntawv mus rau tom US Congress & United Nations.  Peb muaj peev xwm ntiab cov Lao Embassy dag ntawd rov mus tsev, yov tsis tsos cai rau lawv tuaj dag sawv daw kom muaj teeb meem ntxiv lawm.  Thaum twg lawv lub teb chaw Nplog ntawd muaj kev ncaj ncee rov sawv mus saib lawm tiag, tiag United Nations mam lis rov tsos cai rau sawv daw mus ncig ua sis rau hauv teb chaw Nplog. 



#11 HMOOB_Taw Qhia_*

HMOOB_Taw Qhia_*
  • Guests

Posted 17 January 2014 - 11:24 PM

Txawm nej txawj ntse npaum twg, muaj txuj npaum twg, txij ntuj txij teb, los yog tsis kawm tus ntawv no ces nej yeej tsis ciaj HMOOB li.  Xav ciaj HMOOB ces txawm nyuab npaum twg los yuav tau kawm.  Qhov tiag, nws yooj yim heev, tiam sis qhov teeb meem ces yog tim Hmoob rov tsis xav ua Hmoob lawm xwb.



#12 HMOOB_Tshwmsimtsistausibzaug_*

HMOOB_Tshwmsimtsistausibzaug_*
  • Guests

Posted 20 January 2014 - 11:58 PM

ab!!! cov yawg raws li kuv xav mas tsis tim yuav yog yus muaj yus ib hom ntawv es yus thiaj muaj feem ciaj taus haiv os...yus txawm muaj yus ib hom ntawv uas tsim tawm los ntawm yus haiv neeg los los...yus yeej yog haiv niag neeg lub niag hlwb lom vab vab lam qw xwb ces nws yeej tsis muaj qab hau hlo li os....nej sim ntsia haiv neeg nyab laj luag yeej muab tus ntawv..Lastees...los coj luag haiv neeg thiab xwb tab sis luag muaj peev xwm ciaj taus haiv...yog vim li cas tus hlwb txha ntawm kev ciaj haiv yog luag ua li cas luag thiaj ho ciaj taus...yus twb tsis muaj zeem muag yuav nyeem tau luag haiv neeg no...luag thiab yus twb siv tus..Lastees...tib yam xwb nev...ua cas yus ua luag qhev xwb...qhov nov vim yus haiv neeg muaj ib co ntshav ruam...ntse mus tsis ti hau tus hlwb txha...tsuas muaj nyas nyiag txov luag xwb...yuav liam moj kom yeej kiag yus tsis ua...thaum pib mas muaj plhus ntxiag khav theeb kawg tab sis tib pliag xwb ces txawm siv ntaug zuj zus mus lawm... tsis hnov suab sab ntab ntws qhov twg tuaj ntxiv ces...num tiav li hov lawm xwb tiag hmoob tes num naj muaj quav dab tsi...koj txawm muaj koj li ntawv los thaum luag tuaj ces yus dhia ua kua quav txuas lug lawm xwb twb tsis muaj tus kam tiv li ces...nyuag ntawv...ntawd niam yuav pab tau yus ciaj haiv naj los.



#13 therOOts

therOOts

    Advanced Member

  • Members
  • PipPipPip
  • 99 posts

Posted 04 February 2014 - 02:55 AM

Phooj ywg. Taw qhia...yog koj tseem yuav pib kawm tus Phaj hauj tam sim nov mus ces tseem yuav ua luag qhev ntxiv mus lamas cas koj yuav hlwb rwj ua Luaj nas
Koj sim sau ib lub Topic uas yog sau ntawv Phajhauj rau hauv no saib muaj petsawg leej paub teb koj nas. Thiab koj tseem yuav siv tus keyB twg Los Ntaub koj Cov ntawv Phajhauj nas lov.

#14 HMOOB_Guest_*

HMOOB_Guest_*
  • Guests

Posted 05 February 2014 - 04:28 AM

Yog nej ntseeg hais tias xyoo 1950 es ntuj tso tau tub txib los nrog neeg nyob ua kes no ces nej kawm tus ntawv phajhauj los tau.  Yog nej tsis ntseeg txog tej niag saub quav yeeb no ces tsis tag kawm tsam nkim nej lub sijhawm xwb nawb.

 

Hais ncaj nraim rau hmoob thoob ntiajteb paub hais tias tus ntawv phajhauj no peb tsis paub meej hais tias leej twg yog tus txua.  Sooblwj yeej hais tias nws kawm ntawm 2 tug tub txib saum ntuj los xwb nws tsis yog tus txua.  Tsis tag li ntawv los nws tseem kawm tau ib tug ntawv los qhia PUBTHAWJ thiab.

 

Cov hmoob ib nrab neej ib nrab dab thiaj li ntseeg hais tias 1950 es noog dub thiab noog dag nim mus ua liaj ua teb pub mov rau sooblwj noj lub caij ntuj 2 tug tub los qhia tus ntawv phajhauj rau sooblwj.  Cov hmoob npab no tseem hais tias sooblwj haib tshaj Yexus thiab tseem yog huab tais ntuj ib tug tub.

 

Hmoob os hmoob aws, mus muab suav kev cai loojmem los txuas rau hmoob dab qhua, muab xwmkab los ntxiv rau hmoob kev teev, muab nplog khi tes los ua hmoob teej tug, niaj hnub nim no tab meeg muab kevcai Christian los txhab txhais ua hmoob pojkoob yawmntxwv.  Cas yuav tsis paub txaj muag rau lub ntiaj teb no li.

 

Muab lub 30 tshwj xeeb noj thaum lub 9 hli txog 12 hli, muab nplog xyoo tshiab ntov dej nyob california los ua hmoob xyoob tshiab, muab valentine noj ua ntej ntiajteb, cas hmoob yuav loj xov kem tsuab vuab tsuab liam tsis muaj liam.  Hmoob yuav rhuav tag txhua yam tsav nyob hauv lub qab ntuj kwb no.  Hmoob yog yam tsiaj dabtsis es yuav zoo li no os lub ntuj.  Ib cov neeg tsis paub txaj muag rau neeg ntiajteb.

 

Yus twb tuaj sau ntawv LATIN rau haus no los yus tseem ua XOVPAV tom tus tswv cov ntawv muab pub rau yus tuaj sau nov thiab. 



#15 HMOOB_xob laim_*

HMOOB_xob laim_*
  • Guests

Posted 05 February 2014 - 07:20 AM

hlwb qauj dhau lawm os yawg .Peb hmoob twb niaj hnub siv ntawv hmoob nroo ntws cuag xoob the lawm xwb es ua cas koj tsaug 2 zog nyiam qhuav sawv qhov muag tsis tau pom kev tseeb es koj pheej yuav kom sawv daws mus kawm ntawv hmoob no .Qaib qua ntxov koj sawv lig lawm ces  siv cov uas koj ntaus ua topic rau hauv no xwb yeej noj ciaj huab tais li lawm os yawg .



#16 HMOOB_khu leej nej_*

HMOOB_khu leej nej_*
  • Guests

Posted 05 February 2014 - 07:26 PM

 

(Note: Laos is still very, very Dangerious!!!)

Nej ceev faj ua ntej nej mus nkag ncig ua sis rau hauv teb chaw Nplog.

 

Tej zaum nej xav tia niam no teb chaw Nplog tsis muaj tsov tsis muaj rog lawm.  Nej xav ntshes mus sis rau hauv teb chaw Nplog yov yooj,yooj yim lis nej lub siab xav.  Qhov ntawd nej xav tau yuam kev zoo ib yam lis kuv lawm nawb.  Kuv tau mus ncig ua sis tau zau rau hauv teb chaw Nplog.  Kuv kuj tau mus ncig ua sis rau txhua qhov che chaw txhua nrhos kuv kuj siab loj tsis ntshais dab tsis tiam sis qhov ua kuv tsis nco qab ntshai ntawd yog ib qho ua kuv yuam kev loj heev. 

 

Xyoo 2013 - 2014 no, kuv kuj tau xas kuv daim Passport mus ua Visa rau tom Nplog lub Lao Embassy nyob rau hauv Washington D.C. kom kuv tau mus ncig ua sis noj peb caug rau hauv teb chaw Nplog.  Tom qab lawv rov xas kuv daim Passport rov tuaj txog, Nplog lub Lao Embassy nyob rau tom Washington D.C. yeej tau tsos cai rau kuv mus ua sis rau hauv teb chaw Nplog tiam sis thaum kuv mus txog rau hauv Vientiane thiab kuv yov tau mus hlas ntawm Thai-Lao Border ntawd, cov tub ceev xwm Nplog ua hauj lwm nyob rau ntawm ciam teb ntawd tsis kam ntau lub thwj kom muaj hnub nkag mus rau hauv teb chaw Nplog rau daim Passport.  Lawv cia lis kom kuv mus rau hauv teb chaw Nplog xwb kuj ua rau kuv poob siab xav tia ua cas txhua zau kuv los ua sis rau hauv teb chaw Nplog, lawv ntau ib lub thwj muaj hnub kuv ncag mus rau hauv teb chaw Nplog ua cas zaum no lawv cia lis kom kuv mus xwb.  Kuv thiaj lis rov nug tus tub ceev xwm Nplog ua hauj lwm nyob rau ntawm Thai-Lao Border ntawd tia vim lis cas nws hos tsis ntau hnub kuv nkag mus rau hauv teb chaw Nplog kom pom rau ntawm kuv daim Passport.  Nws hais tia nws tib muab kuv daim passport npa thwv tseg nyob rau hauv Computer tseg lawm.  Nws kom kuv mus tsuag, tsuag xwb.  Kuv kuj maj nroo mus rau hauv teb chaw Nplog lis nws hais thiab.  Kuv mus ncig ua sis noj peb caug tuaj yov luag muaj ib hlis ces kuv mam lis rov los txog rau ntawm Thai-Lao Border nyob rau hauv Vientiane ntawd.  Thaum kuv los txog rau ntawm border ces muaj ib tug poj niam Nplog ua kuj ntau tau ib lub thwj rau kuv daim visa Nplog nyob rau hauv kuv Passport.  Thaum kuv tawm los txog rau ntawm qho chaw nce tseb yov hlas tus dej Mekong ces muaj ib cos tub ceev xwm yog cov neeg kuaj cov Passport.  Cov neeg ua kuv nces ces lawv kuj lam saib dog saib dig.  Thaum los txog rau ntawm kuv daim Passport ces lawv mus muab nthuav mus nthuav los thiab saib ntev, ntev.  Kuv thiaj lis xav zoj tia vim nws yov mus saib kuv daim Passport ntev ua luaj es yog vim tus dab tsis.  Nws saib tag ces nws txawm hais rau kuv tsis muaj lub thwj ntau nkag mus rau hauv teb chaw Nplog.  Kuv thiaj lis teb rau nws tia thaum kuv los rau hauv kom tib kom ntej ntau lub thwj kom muaj hhnub nkag mus rau hauv teb chaw Nplog es nej tib tsis kam ntau.  Nej kom kuv mus tsuag, tsuag.  Nej hais tia nej tib muab kuv daim Passport npa thwv tseg kom kuv tsis txhob txhawj.  Kuv thiaj xas tia ntshes nej tib npa thwv tseg lis nej hais lawm es vim lis cas nej hos rov liam tia kuv nkag mus rau hauv teb chaw vuam cais no.  Kuv tib xas kuv daim Passport mus rau nej lub Lao Embassy nyob rau Washington D.C. tsos cais rau kuv nas vim lis cas nej hos hais kuv nkag mus rau hauv teb chaw Nplog phiv nej tus cais no.  Kuv kuj tau mus nrog ciag Nplog tus thawj tub ceev xwm tham kiag ces nws hais tia kom kuv them $100 mas nws thiaj lis tsos kuv mus.  Kuv teb nws kuv tsis muj nyiaj.  Kuv tib muab nyiaj siv tag lawm.  Kuv hais rau nws tia kuv los ua sis rau hauv nej lub teb chaw Nplog no kuv yeej tau cais ntawm nej lub Lao Embassy muab cais rau kuv.  Kuv thiaj lis los ua sis rau hauv nej lub teb chaw.  Yog tia nej tsis kam los ces nej kuv tsis cia kuv nkag mus rau hauv nej lub teb chaw.  Nej cia kuv nkag mus ua sis rov los txog ces nej yov liam kuv tia kuv mus txhaum cai es nej pua muaj kev ncaj ncee tiag, tiag rov cov neeg sawv daw los mus ncig ua sis rau hauv nej lub teb chaw no.  Kuv kuj hais rau nws tia yog peb tsis los ncig ua sis ces nej lub teb chaw no yeej tsis kev lag luam.  Nej haj yam yov tsom nyem.  Txawm kuv yov hais npaum twg rau tub thwj tub ceev xwm ntawd los nws hais tia kuv yov tsum tau them $100.  Yog lis ntawd kuv thiaj lis them tau $100.  Lawv kuj muab daim Passport coj mus laim tseg tia kuv ncag mus rau hauv teb chaw yuam cais tseg.  Qhov no yog lawv lam txwm ua tsis muaj kev ncaj ncee rau cov neeg mus ncig ua sis rau hauv lub teb chaw Nplog.  

 

Yog tia Nplog lub Lao Embassy nyob rau hauv Washington D.C. lam tuaj tsos cais dag rau sawv daw kom nkag mus sis rau hauv teb chaw Nplog  kom yuam cais ces sawv yov tsum muab lub Lao Embassy nyob rau hauv Washington D.C. ntawd ntiab rov mus tsev tsis txhob lub Lao Embassy ntawd tuaj lam ua ntau ntawv dag sawv daw kom yuam cai.  Yog nej leej twg ntsib qhov teeb zoo lis kuv qhov no ces peb yov tsum tawm ib lub suab hais ib los lus.  Peb yov tsum tau ua ntaub ua ntawv mus rau tom US Congress & United Nations.  Txhua, txhua lub teb chaw ua muaj Lao Embassy ua Lao Visa dag kom sawv daw mus muaj kev txhaum rau hauv teb cahw Nplog yov tsum ntiab Lao Embassy rov mus tsev vim lawv yog ib cos Lao Embassy dag xwb.  

 

Nej leej twg hos tau mus ua sis rau hauv teb chaw Nplog thiab lam raug Nplog liab liam teeb meem nyob rau hauv teb chaw Nplog no ces nej tsis txhob ua siab deb.  Nej yeej meem tuaj nthuav qhia nej qhov teeb meem rau sawv nrog pom.  Thaum muaj ntau txog lis 10 - 20 tawm leej phi nya lawm ces peb muaj peev xwm ua ntawv mus rau tom US Congress & United Nations.  Peb muaj peev xwm ntiab cov Lao Embassy dag ntawd rov mus tsev, yov tsis tsos cai rau lawv tuaj dag sawv daw kom muaj teeb meem ntxiv lawm.  Thaum twg lawv lub teb chaw Nplog ntawd muaj kev ncaj ncee rov sawv mus saib lawm tiag, tiag United Nations mam lis rov tsos cai rau sawv daw mus ncig ua sis rau hauv teb chaw Nplog. 

 

Qhov tseeb yog koj tuaj nyob teb chaws vam meej ntev tsis tau txaus .Yog vim li cas kuv hais li ? .Koj puas paub tias tib neeg qhov uas "nias taub teg , signature , lub thwj ntaus nkag mus qhov twg los ib yam ,ntaus tawm los ib yam yog qhov ua tim khawv ,tus kas ces uas qhib thiab kaw yus txoj kev lij choj tuav pov hwm yus tus kheej nkaus 2 xwb nas. Raws li koj qhov uas koj piav saum mas koj muab kojh tus kas ces rau lawv qhib koj lub qhoc rooj nkam mus rau tim nplog, tiam sis lawv tsis muab koj tus kas ces rov rau koj ces lawv tias cia rau lawv khaws tseg es thaum koj los lawv mam ua tus qhib thiab tus tuav lub qhov rooj rau koj tawm tib si no ces koj thaum koj rov los lawv tias "peb qhib qhov rooj tuav qhib lug rau koj tawm mus ,peb khaws koj tus kas ces cia tau ib hlis "them peb li nqe zog los ,tsis them ces muaj txim no ces koj tsis mag xwb . Koj mus pauv check yam tsis siv koj tu signature li puas tau ? No way . Ua li nyob usa muaj cov lus qhia rau cov me nyuam yaus mus kawm ntawv es lawv tsis nyob ntawm niam txiv xub ntiag lawm es kom me nyuam cev faj rau cov uas muab qab zib ntxias lawv kom nrog lawv mus vim muaj neeg phem nyiag 2 me nyuam   hais tias " Never trust the strangers" cov neeg yus  tsis paub lawv es lawv ntsib yus ces lawv cia li ua tej yam zoo 2 rau yus mas nej yuav tsum cev faj loj kawg nkaus .Luag yuav ua zoo 2 ntxias nej kom luag tau qhov luag xav tau ntawm nej uas yog yam tsis zoo rau nej . Nej nuv ntses li cas ces luag nuv nej li ntawm mas tus phooj ywg .



#17 HMOOB_nyiasthamliqhovnyiasxavxwb_*

HMOOB_nyiasthamliqhovnyiasxavxwb_*
  • Guests

Posted 07 February 2014 - 12:23 AM

hais txog tus ntawv Phajhauj...nej cov uas nyiam kawm nej pheej qw tas zog kom suav daws tuaj nrog nej kawm...nej hais tias tus ntawv no yog ib tug ntawv yuav los coj haiv...qhov tseeb nej lam nyiam kawm xwb nej twb paub tsis txog tus ntawv no nws tes num hlo li...tus ntawv phajHauj no nws yog ib tug ntawv los coj...xamxajnam...ntawm haiv xwb...thaum nej txawj muab tus ntawv no nws li keeb kwm coj los sau kom nyob muaj paus xaus muaj ntsis tias thaum pib yog tshwm sim li cas los...thaum xaus lawm yog xaus rau qhov twg...tus neeg uas tsim tus ntawv no nws lub npe hu li cas...nws yug xyoo 1900 pes txawg... nws tuag thaum twg lawm...thaum nws tuag yog vim li cas nws thiaj tuag...muab tau keeb kwm los qhia ib tshooj zuj zus mus mas thiaj yog yuav mus taug lub ntsiab ntawm txoj kev ciaj haiv...tus ntawv no nws tsis yog ib tug ntawv yuav los coj haiv rau seem coj teb coj chaw rau seem...economy...tab sis nws yog ib tug ntawv los cov mus rau seem....xamxajnam...ntawm yus haiv neeg...thaum hmoob muaj teb chaws lawm tus ntawv no tsuas qhia nyob pem tsev teev ntuj xwb...leej twg nyiam kawm ces tuaj mus ped...mam kawm ped...hos lub tsev teev ntuj ntawd mas tsis yog tias yuav ua li yav tas los es...yus nyob tom nyab laj tog ces yus mus teev ntuj...tawm tsam nom tswv nyab laj...hos yus los nyob tom...vajpov tog ces yus mus tsa tsev teev ntuj tawm tsam vajpov...yog yus ua li no ces yus ua li ib tug phooj ywg hais uas...yus yog ib tug neeg tshob cuab...ntawm yus haiv neeg...kev qhia...xamxajnam yog qhuab qhia kom yus haiv neeg txawj sib hwm sib hlub sib raug zoo...paub hwm yus tej nom tej tswv...kom nom tswv paub hlub nws tej pej xeem...thiaj yog txoj hauv kev ntawm kev yuav ciaj haiv...tus ntawv soob lwj txhiajsuav no nws yog ib tug ntawv muaj fwj chim mus rau seem...xamxajnam kev ua neeg ncaj ncees...nyob li koj yog ib pab tub rog yeej coj ncaj ncees tiag tiag...hnub koj sawv kev mus rog yeeb ncuab sib ntaus sib tua koj mus nkag tus qab chij rau pem lub tuam tsev tas koj mam mus ntaus rog...yeeb ncuab yeej tua koj tsis to...thiab yeej tsis raug koj...mos txwv loj tuaj tawg ncho pas lug ntawm koj tej xub ntiag los yeej tsis muaj ib lub txhais mos txwv yuav lam nkag tau rau hau koj lub cev hlo...tus ntawv no yog ib tug niam ntawv nqis pem ntuj los zwm rau hau peb haiv hmoob...tab sis peb tsis txawj siv kom yog nws tes num...tej neeg uas nyiam kawm los twb tsis muaj ib tug twg paub  txog lub POWER ntawm tus ntawv no hlo li...Thaum ub hnov tias yawg hlob Pajkaub lawv muab tus ntawv no sau rau saum lawv lub kaus mom xwb...nyab laj rab phom 12,7 MM lub mos txwv tuaj raug yawg hlob paj nrob qaum nrov npaum li xuas duav ntoo ntaus nyuj pob tw...yawg ntog nrig nphau ntsos nrob qaum su pob luaj nrig xwb twb tsis to...yog tseem muab sau rau ntawm hau siab thiab nrob qaum tib si mas ntse haj yam zoo tshaj nov.....tus tnawv no tsuas yog ntawv coj tus xamxajnam li nplog tus ntawv uas cov hauj sam thiaj nyeem tau xwb...thaum mus tom VAV ces hauj sam nyeem hauj sam cov ntawv ua...nasmau tasxas...phaskhas...vastaus...xasmaus...xaspus taxas...yeej tsis muaj leej twg paub...tab sis yog tus ntawv coj xamxajnam ntawm luag haiv neeg...hos luag tus ntawv coj haiv mus seem...ecomy...ces yog tus uas txhua haiv neeg nyob hau luag lub teb chaws yuav tsum kawm kom txawj thiaj paub nrog luag ua laj ua kam pab tuav lub teb chaws...tus ntawv ntawd yog tus ntawv coj haiv ntawm luag haiv neeg......peb hmoob tus ntawv uas yuav los ua peb tus ntawv coj haiv kuv ntseeg tias nws yuav yog tus ntawv...LASTEES lawm tus nawv no tsis tas koj yuav niaj hnub qw kom hmoob suav daws mus kawm tab sis hmoob yeej zoo siab nyias mus kawm nyias tas zog li lawm...ces suav tau tias tus ntawv LASTEES no yog tus los coj haiv ntawm peb haiv hmoob lawm ntag...raws li kuv tus kheej xav xwb ov...kuv tsis yog muab nej leej twg li kev xav los sau ua kuv tug ov...nej leej twg ho muaj lwm txoj kev xav zoo tshaj no los yeej meem sau tuaj sib qhia...tab sis tsis txhob sib thuam sib ntsw...tab sis sib qhia lub tswv yim zoo kom peb hmoob ho khaws tau tej lub tswv yim zoo los coj peb haiv neeg lub siab...hos yam ho hais tau tsis yog tsis raug los suav daws ho zam txim pub ov...kuv tsis yuam thiab tsis thuam leej twg  mog...ua tsaug



#18 HMOOB_Taw Qhia_*

HMOOB_Taw Qhia_*
  • Guests

Posted 18 February 2014 - 03:08 PM

Zoo is phooywg nyiasthamliqhovnyiasxavxwb, 

Koj tham tau ib co lus zoo kawg.  Kuv pom zoo li qhov koj hais ib nrab.  Tus ntawv Phab Hauj no nws mus ntau tus, 1-4.  Ib tus hauv no ces nws yog rau cov neeg pejxeem  kawm.  Ib co no nws yog rau cov txiv muam kawm.  Leejtwg tsis paub tus ntawv no ces tsis paub txog Hmoob tus cag thiab txoj kev cai ua neej raws li lub ntuj tsim teb raug, puav pheej ua neej.  Tsis  paub yuav rov txhim kho Hmoob.  Yog tsis paub li no yuav tswj tsis tau Hmoob li, yuav tau siv lub hwjchim ntaus, ncaws thiab tua pov tseg li yav dhau los, Hmoob thiaj ntshai xwb.

 

Hais txog ntawm tus ntawv ASKIV (tsis yog ntawv Hmoob lastees), nws tsis yog Hmoob thiab peb hom neeg li teej tus.  Nws tsuas yog tus ntawv nrhiav noj nrhiav haus li koj hais.  tiam sis nws tsis yog tus ntawv yuav los txhim kho kom tau Hmoob thiab coj kom Hmoob CIAJ tau.  Tus ntawv no Hmoob yuav siv mus li 200 xyoo tom ntej no ces Hmoob yuav tsis siv zuj zus lawm. 

 

Phaj Hauj = Kawm Hmoob paub txhim kho tus kheej thiab CIAJ

ASKIV = kawm kom paub ua lag luag nrog tib neeg ntiaj teb thaum tseem yau, tiam sis tsis yog ntawv Hmoob Lastees.  Nws yog ntawv ASKIV.



#19 HMOOB_Taw Qhia_*

HMOOB_Taw Qhia_*
  • Guests

Posted 26 February 2014 - 02:14 PM

Tus ntawv Phab Hauj no nws muaj ntau tus, 1-4.  Ib tus hauv no ces nws yog rau cov neeg pejxeem  kawm.  Ib co no nws yog rau cov txiv muam kawm.  Leejtwg tsis paub tus ntawv no ces tsis paub txog Hmoob tus cag thiab txoj kev cai ua neej raws li lub ntuj tsim teb raug, puav pheej kev ua neej.  Yuav ua neej rov qub qab qees, tsis paub txhim kho tus kheej, tsev neeg, thiab Hmoob.  Ces yuav tau siv lub hwjchim ntaus, ncaws thiab tua pov tseg li yav dhau los, thiaj tswj tau xwb.

Hais txog ntawm tus ntawv ASKIV (tsis yog ntawv Hmoob lastees), nws tsis yog Hmoob thiab peb hom neeg li teej tus.  Nws tsuas yog tus ntawv nrhiav noj nrhiav haus xwb.  Tiam sis nws tsis yog tus ntawv yuav los txhim kho kom tau Hmoob thiab coj kom Hmoob CIAJ tau.  Tus ntawv no Hmoob yuav siv mus li 100-200 xyoo tom ntej no ces Hmoob yuav tsis siv zuj zus lawm.  Sab ntuj qub qab ces tom ntej no yuav siv tus ntawv Suav los ua ntawv nrhiav noj nrhiav haus.

PHAJ HAUJ = Kawm kom Hmoob paub txhim kho tus kheej thiab kom rov CIAJ dua
ASKIV = kawm kom paub ua lag luag nrog tib neeg ntiaj teb, nws sis tsis yog ntawv Hmoob Lastees, tiam sis sws yog ntawv ASKIV.
HMOOB LASTEES = Tsim los khaws/ceev Hmoob teej tug ua ntej Hmoob no tsis tau lees thiab kawm Hmoob tus ntawv xwb.



#20 HMOOB_Lubnpe tseemceeb ov_*

HMOOB_Lubnpe tseemceeb ov_*
  • Guests

Posted 27 February 2014 - 04:23 AM

muab hais tham ua kev lom zem mas tus ntawv...Las tees...kuj yog tib neeg tis tau ib lub npe zoo kawg rau tus ntawv no lawm lau....lo lus hais tias...Las tees...no ces twb yog txhais hais tias....Lees tas....li ntawd hmoob thoob ntiaj teb thiaj lees kawm tus ntawv no  tas... tsis tos leej twg pheej yuav niaj hnub nqua hu kom kawm....leej twg los yeej cia li nyias zoo nyias siab mus nrhiav kawm tas zog....vim suav daws yeej lees tas los ntawm.... lo lus...Las tees lawm......tus ntawv no nws tsis yog ntawv...ASKIV....vim lub keeb tiv nws tsis yog neeg...ASKIV...tsim tawm es coj tuaj qhia rau hmoob.....nws yog ntawv...FABKIS...vim neeg FABKIS yog tus tsim cov ntawv no muab sib txis kom muaj peev xwm tig tau coj los hais ua lus hmoob....yog nej leej twg hais tias yog ntawv ASKIV no mas nej vwj txheej tus tswv uas tsim cov ntawv no lawm ov...vous nes pas...pas les...Francaise......hos tus ntawv phaj hauj muab txhais hais tias....phauj haj.....phauj haj... mej haj....lus nplog txhais hais tias....yawg nrauj pog nrauj....yog yus nyiam tus ntawv...phauj haj...phaj hauj no es yus tsim tsis meej pem ces tos yus nco yus twb nrauj nom nrauj tswv khiav mus nkaum rau hav zoov hav tsuag lawm....thaum ntawd ces lawv hu yus ua....COB FAB....yog yus txawj coj txawj ua ces yus kuj yuav mus ciaj tau ua... tswv ntuj...tab sis yus pheej tsim thiab feeb tsis meej tas li xwb no ces.....yus yog...cab fob....lus nplog hais tias...cab fob...no ces txhais hais tias....neeg ruam zov hav zoov....nplog hais tias....npam cab awb....no ces yog hais tias niag neeg ruam aw....thaum yus mus ua cob fab....es yus tsis txawj ntse txaus yus tuav tsis tau ib thooj av los ua yus haiv neeg tug....ces yus tsuas yog ib tug neeg mus ua ib tug cob....kav hav fab xwb....vim yus tsuas tau nyob tom tej hav fab tas yus sim neej tsis tau nrog luag nyob hauv zej hauv zos li......ib yam li yus tis npe rau yus tej tub tej ntxhais tsis txhob lam tis tej npe li tej neeg dog dig tej npe...yuav tsum xaiv tej npe zoo uas tej tus tib neeg lawv yeej ua thawj coj thiab yog neeg nplua nuj tej npe rau yus tus me nyuam....thaum nws loj los koj sim ntsia saib mej...nws txawm tsis heev npaum li luag los...yeej luv tsis deb ntawm tus neeg ntawd lawm ntag ov....lub npe mas tseem ceeb heev li ov...yog yuav tis ib lub npe rau ib yam dab tsi yuav tau soj ntsuam ntawg nraus li tej laus ib txwm hais saib ntxim zoo lawm tiag tiag mam tis rau thiaj vam meej taus ov...



#21 HMOOB_TSAM YUAMKEV_*

HMOOB_TSAM YUAMKEV_*
  • Guests

Posted 27 February 2014 - 09:12 AM

Peb hmoob lub pob ntseg khaws mloog tej lus dag lub qhov muag pom koog zoov nuj ntsuab uas ko taw tsi tau mus tsuj txog lub siab tsuas xav ntsoov tias qhov ntawd thiaj yuav zoo ua noj, Peb hmoob tseem muaj ib nrab los 50% ntawm hmoob yog ib co tib neeg tsi paub qab hau tog twg zoo yam nkaus cov dev mus raws nqaij tsi paub ntxhiab ib tus tsem khiav ua ntej lawm ces cov lam tsem raws qab tsi paub tias yog ntxhiab dab tsi nyias khiav nyias zom zaws mus ib ntus tsi pom dab tsi ces nyias nyob nyias co tw zom zaws.

       Zoo li no hmoob thiaj li tseem muaj ib txhia yuav xav tias tus ntawv PHAJ HAUJ no yuav yog tus ntawv uas coj tau hmoob thiab yuav taw kev rau hmoob taug, Yog yuav lam muab tej tsiaj ntawv zoo li no los Ntxeev ua hmoob li ntawv ces yuav nyiam txua li cas los yeej sau tau ua lus ,hmoob tag nrho tsi yog yuav sau li tus ntawv  PHAJ HAUJ no xwb los yeej tau. hmoob tim yog lub siab khib tsi kam qee txoj kev khib siab nkaus xwb, Pom luag lwm tus tuaj nrhiav tau ib qhov rau yus tsav neeg siv lawm ces khib yus heev tsi xav lees siv ces yus ho mam mus xav dua ib zaj tswv yim los ua dua ib qho tshiab zoo li no los tawm tsam luag qhov. Txoj kev hmoob tsi txawj vam meej ces yog zoo li no muaj tus ua tau los muaj tus yuav los rhuav tshem kom piam liam mus kom tag.

      Ntawm tus ntawv hmoob LAS TEES yog ib yam ntawv uas hmoob nyob txhua lub teb chaws kawm tau sai ceev heev thiab yooj yim yuav coj tau hmoob mus nkag tau rau neeg ntiaj teb cov teb chaws muaj kev vam meej tej Technologie yooj yim, qhov no thiaj tsi yuam kev. Hmoob tus ntawv PHAJ HAUJ Yuav ua cas coj tau hmoob, yog ua zoo saib ces yog ib tug ntawv ua tseem dig muag heev nws tsi yooj yim kawm neeg los kuj tsi nyiam kawm thiab tseem yuav tau muab tus ntawv LAS TEES no los txhais rau sawvdaws thiaj nyeem tau yog zoo li no xwb tsim nyog hmoob yuav tsum tau yuav tog rau ncoo kom zoo thiab yuav tswm zooj los pua kom khov mam pw ua tib zoo xav.  



#22 HMOOB_yog lawm lau_*

HMOOB_yog lawm lau_*
  • Guests

Posted 27 February 2014 - 12:53 PM

Aub ob yawg phooj ywg. comment: 20 thiab 21 neb ob lub tswv yim kev xav yeej meej pem kawg lawm nawb. yog hmoob  tsim nto thiab feeb meej li neb ob yawg no txhua tus lawm ces. hmoob yeej tsis muaj teeb meem nrog luag lwm hais neeg li lawm os.



#23 HMOOB_Taw Qhia_*

HMOOB_Taw Qhia_*
  • Guests

Posted 27 February 2014 - 10:15 PM

Cov phoojywg, kuv tsis yuam leejtwg.  Kuv tsuas yog taw qhia Hmoob mus rau sab ciaj xwb, tsis yog hais txog kev nrhaiv noj nrhiav haus los puas hais kom zoo mloog rau Hmoob feem ntau.  Kuv paub tseeb hais tias yog leejtwg tsis paub tus ntawv no ces tsis ntev tom ntej no, tej me nyuam yuav mus ua liab ua cuam tas.  Dhau nej phaum ces nej cov me nyuam, mus yuav lwm hais neeg tag.  Kuv txoj kev taw qhia txog tus ntawv los mus xaus li no xwb.  Hais los txog txij no xwb, yog leejtwg mus pom luag li zoo dua yus li los qhov rooj qhib lug, vim yog nyias txoj hmoo lawm, nws kuj yog ib txoj kev tu siab kawg os HMOOB.  

 

Koj tuaj pom hnub qub ntsais, txhob mus xauj, ib tsam koj mus txia ua txhiaj txiv mim lawm.

Koj tuaj pom lub hnub ci, txhob tig saib, ib tsam koj mus thawj xeeb ua duab tshav ntuj ci lawm.

Koj tuaj pom lub hli ntsa, txhob tsa muag ntsia, ib tsam koj mus thawj xeeb ua duab ntxoov ntxoo lawm.

 

KOJ YUAV TAU TAUG KEV NCAJ NRAIM ROV LOS THAWJ XEEB UA HMOOB!!! 



#24 HMOOB_Taw Qhia_*

HMOOB_Taw Qhia_*
  • Guests

Posted 11 March 2014 - 02:50 AM

Kawm luag txuj ces ua luag qhev, tsis hais pes tsawg tiam, vim luag yog tus tswv.  Txhob kav xyeem qhov yoojyim.  Thaum twg mam li zeem os Hmoob!!!



#25 HMOOB_Dibtxiatsistau uataub_*

HMOOB_Dibtxiatsistau uataub_*
  • Guests

Posted 11 March 2014 - 05:03 PM

yawm phooj ywg...Tawv Qhia aw...tus twm ib txwm ua lub neej tsis paub hais tias...ntsev...nyob qhov twg...yog luag muab ntsev pleev twm qhov ncauj tas ces twm yeej txaus siab laij teb rau luag noj tas tiam...thaum teb tiav tas ces luag mam muab twm tua noj...ces thaum ntawd luag hais tias twm ncej ntug ntseg lawm no xwb tiag...pus yog ?



#26 HMOOB_Guest_*

HMOOB_Guest_*
  • Guests

Posted 11 March 2014 - 10:20 PM

Nyob zoo cov phooj ywg. Cas nej yuav hais txawv uas luaj li ! luag lwm haiv neeg twb sau ntawv "Latin" thiab xwb los sav. Cas lawv ho ntse thiab vammeej tshaj Hmoob. Tus neeg aaskiv, neeg fabkis, neeg meskas, neeg mev, neeg vietnam, neeg allemand, neeg Russes, neeg Spanish. Ntau yam haiv neeg puav leej siv ntawv "Latin" es lawv twb tsis tau hais li nej hais ( kom nej paub tias cov haiv neeg no tsis yog cov uas tau tsim cov ntawv "Latin" no nawb). Lawv twb vammeej kawg nkaus li nev ...  Hos cov neeg uas tsim tus ntawv "latin" no twb tsis vammeej lis ne...

Hais li nej hais tsis yog lawm, tus ntawv txawm yog haiv neeg twg los tsuav yog tias qhov loj tshaj ces yog tsim los kom paub sib cog lus, sib txuas lus xwb, kom sawv daws hais ib lo lus coj los txhais kom tau ib yam pub kom sawv daws sib totaub xwb. Ntawv yog tsim los sau peb tej kev cai, peb lub neej, peb tej kev qhuab qhia, tej no coj los kawg cia rau lub neej yav tom ntej xwb. Txawm tias yog tus ntawv dab tsi los tau tag, tsuav yog tias " kawm yoojyim" thiab kom lwm haiv neeg los kuj los kawm yoojyim thiab es lluag lwm haiv neeg thiaj paub lus Hmoob. Thaum luag paub lus Hmoob lawm ces luag thiaj paub tias muaj Hmoob nyob ntiajteb  thiab no pob !!!



#27 HMOOB_Taw Qhia_*

HMOOB_Taw Qhia_*
  • Guests

Posted 16 March 2014 - 04:41 PM

Cov me Hmoob tsis tau pom kev.  Me nyuam ces tsuas xav ua qhov yoojyim thiab lom zem, ua hnub noj hnub xwb.  Tsis paub tsis pom txog txoj kev yuav ciaj mus 50 xyoo, 100 xyoo, mus txog 1000 xyoo tom ntej li.



#28 HMOOB_Tswv Zaj Saub_*

HMOOB_Tswv Zaj Saub_*
  • Guests

Posted 16 March 2014 - 04:51 PM

Hmoob tus ntawv xwb yuav pab tsis tau Hmoob tus dab tsi li os.  Hmoob ruam ua luaj li es twb tsis paub ua ib yam dab tsi rau lub neej li, leej twg ua tau ib yam dab tsi tshiab ces txawm siv phiv dab muaj mob muaj nkeeg thiab tuag lawm ne.  Hmoob ib txwm tsis muaj ntawv tsis txhob kawm hmoob ntawv tsam muaj mob muaj tuag ho lam yog tim Hmoob tej niag ntawv ntawd thiab laiv. Twb muaj coob tus txawj txawj ntawv phaj hauj ces tswv xya los tos mus lawm thiab mas txaus ntshai thiab laiv.  Thaum ub huab tais yeej foom tias yog hnub twg Hmoob ua tau ib yam dab tsi tshiab mas yuav tsum mob thiab tuag.  Huab tais yeej tsis pub Hmoob muaj ntaub muaj ntawv nawb.  Hmoob yeej yog cov xub xub muaj ntaub ntawv kawm nyob hauv qab ntuj no tab sis tom qab huab tais hais li tag ces peb Hmoob thiaj muab Hmoob tus ntaub ntawv pov tseg tsis kawm ntxiv lawm xwb.   



#29 HMOOB_@hmong19_*

HMOOB_@hmong19_*
  • Guests

Posted 02 April 2014 - 11:37 AM

yog hais txog ntawv hmoob xwb nws kuj muaj ntau ntau tus ntawv thiab. raws li hauv lub vas sab no tau muaj tseg http://www.hmonglang...-hmong-language

 

nyob rau ntawm kuv los kuj muaj ib tug ntawv uas yog hmoob li ntawv thiab. nws yog tus ntawv Puaj Txwm. kuj muaj zoo txuj ci nyob rau hauv thiab. tiam sis yog muab tham rau hauv no ces zoo li tham npau suav rau sawv daws mloog xwb. yog muaj caij es peb lam tau los zaum ua ke. es mam muab ntaub muab ntawv coj los nthuav tham mas. tej zaum yuav muaj lus tham tsis paub txawj tag li.  kuv lam muab tso ua yam ntxwv rau peb saib me me

579373_10151109415008315_1415535851_n.jp

 

āļ·nej leej twg nyiam no los peb mam ho sib tsoj qab taug lw ntxiv mus. yog tsis nyiam thiab no los, cia nws nyob rau ntawm no. ua ib qho kev paub me me xwb mog.





Reply to this topic



  


1 user(s) are reading this topic

0 members, 1 guests, 0 anonymous users