Jump to content


Photo

Hmong Kev Ua Noj Haus Nyob Asia

Asia hmong noj haus

3 replies to this topic

#1 roobkubtwm

roobkubtwm

    Member

  • Members
  • PipPip
  • 16 posts

Posted 04 February 2013 - 10:51 AM

Kuv yuav piav txog Hmoob lub neej nyob Nplogteb. Qhov tseem ceeb, kuv yuav sau txog kev ua liaj ua teb, kev noj kev haus, thiab kev ua ncaj nceeg ntawm peb tsoom Hmoob.

Thaum peb yuav mus ua teb los yog ua noj, peb yuav tsum mus saib daim av seb puas zoo mam li muab hom tseg thiab luaj. Daim av ntawv yuav tsum yog av daj thiab nplaum tsis muaj pob zeb. Yog thaum nrhiav tau daim av lawm, yuav tau ntaus riam ntaus txuas thiab ntau taus kom zoo. Thaum npaj tau txhua yam ces mus luaj daim teb ntawv. Coj yus cov kwv tij neej tsa mus nrog yus luaj ua ke sib pauv zog.

Thaum luaj teb tag ces yuav tos kom cov teb ntawd qhuav mam mus muab hlawv. Ua ntej yuav hlawv, yus yuav tsum mus luaj ib txoj kev raws qab teb. Thaum koj hlawv teb, koj yuav tsum mus xya los yim ruam mam li zes ib cub. Thaum yus zes teb tag, yus khiav mus nyob ib qho saib. Thaum teb kub tag ces yus mam rov mus saib seb teb kub puas zoo los tsis zoo. Yog daim teb kub tsis zoo, yus yuav tau npaj mus them cov ntoo uas kub tsis tas ntawv coj los ua ib pawg ces muab hlawv dua. Lub caij mus them teb ntawv yog ze lub 4 hlis ntuj.

Thaum them tag ces tos los ob los peb kob nag mam li mus saib qhov twg zoo cog qos. Yog muaj tej thaj uas muaj tshauv, yus yuav tsum muab qos cog rau cov chaws zoo li ntawd thiab npaj ib cov pob kws mus cog daim teb ntawd,
Yuav tau xaws ib lub hnab dav li ib dos thiab siab ib dos ntau ces tis ob txoj hlua rau. Thaum mus cog muab cov ntsiab kws ntim rau hauv lub hnab ces muab khi rau ntawm duav. Yus yuav tsum nqa ib rab hlau coj mus khawb peb hlau ib lub qhov mam li muab cov noob kws faus rau hauv. Ib lub qhov tso peb plaub lub los tau,

Tom qab cog pob kws tag ces yuav tau mus cog nplej thiab. Cog nplej thiab cob pob kws tsis zoo ib yam. Cog nplej yuav tau npaj ib tug ntoo kom luaj caj dab teg los me me ntsis. Muab tus ntoo hliav kom pob thauj li ib tug ntiv tes ntawm daim tawv mus rau hauv lub plawv thiab tus ntoo ntawv tseg ntev li ib dag ntau. Thaum mus cog nplej cov txiv neej xuas hmuv nkaug qhov ua ntej ces cov poj niam sia lub hnab ntim cov noob nplej rau lawv cov txiv neej qab. Thaum ub yeej tsis pub txij neej sia hnab thiab poj niam tuav hmuv li. Tos tsi pub los yog thaum yug los ntuj yeej muab ib lub hnab los yog muab ib tug hmuv rau txhuas tus neeg los lawm. Yog hais tias koj yog poj niam ces koj yeej muaj hnab lawm los yog koj yog tus txiv neej, koj yeej muaj hmuv lawm. Nyob rau tam sim no cov poj niam uas tsis muaj txiv lawv kuj siv hmuv coj los nkaug los tsis ua cas thiab.

Hmoob lub neej nyob Nplogteb yuav tau sawv ntxov li plaub moos xwb. Tus ntxhais los yog leej niam yuav tau sawv los ua mov npaj coj mus noj tom teb thiab hau zaub pub npua,

.Thaum pom kev lawm, tus poj niam yuav tau pub npua pub qaib ceev ceev tas ces yuav los npaj mus teb,Thaum ua teb yuav tsaus ntuj cev los mus npaj tais diav rau hauv kawm. Yuav los mus txiav taws txiav tsau coj los mus siv rau tom tsev. Thaum los mus txog tsev, ces mus da dej thiab nqa dej los mus ua hmo noj Yuav pub qaib pub npua hmo no. Yuav pub qaib pub npua hmo ib yam thiab. Thaum pub npua tag ib tug los mus tsuav qos thiab kav tsawb hau npua qhauv. Muaj qee tej hmo yuav tau tuav txhuv thiab ,yog li muab hais los mas peb hmoob lub neej yeej khwv kawg nkaus lit sis hais tam sim no peb yuav nyob rau qhov twg los yeej yuav tau khwv thiaj li tau noj.

#2 therOOts

therOOts

    Advanced Member

  • Members
  • PipPipPip
  • 99 posts

Posted 26 February 2013 - 02:02 PM

Kuv yuav piav txog Hmoob lub neej nyob Nplogteb. Qhov tseem ceeb, kuv yuav sau txog kev ua liaj ua teb, kev noj kev haus, thiab kev ua ncaj nceeg ntawm peb tsoom Hmoob.

Thaum peb yuav mus ua teb los yog ua noj, peb yuav tsum mus saib daim av seb puas zoo mam li muab hom tseg thiab luaj. Daim av ntawv yuav tsum yog av daj thiab nplaum tsis muaj pob zeb. Yog thaum nrhiav tau daim av lawm, yuav tau ntaus riam ntaus txuas thiab ntau taus kom zoo. Thaum npaj tau txhua yam ces mus luaj daim teb ntawv. Coj yus cov kwv tij neej tsa mus nrog yus luaj ua ke sib pauv zog.

Thaum luaj teb tag ces yuav tos kom cov teb ntawd qhuav mam mus muab hlawv. Ua ntej yuav hlawv, yus yuav tsum mus luaj ib txoj kev raws qab teb. Thaum koj hlawv teb, koj yuav tsum mus xya los yim ruam mam li zes ib cub. Thaum yus zes teb tag, yus khiav mus nyob ib qho saib. Thaum teb kub tag ces yus mam rov mus saib seb teb kub puas zoo los tsis zoo. Yog daim teb kub tsis zoo, yus yuav tau npaj mus them cov ntoo uas kub tsis tas ntawv coj los ua ib pawg ces muab hlawv dua. Lub caij mus them teb ntawv yog ze lub 4 hlis ntuj.

Thaum them tag ces tos los ob los peb kob nag mam li mus saib qhov twg zoo cog qos. Yog muaj tej thaj uas muaj tshauv, yus yuav tsum muab qos cog rau cov chaws zoo li ntawd thiab npaj ib cov pob kws mus cog daim teb ntawd,
Yuav tau xaws ib lub hnab dav li ib dos thiab siab ib dos ntau ces tis ob txoj hlua rau. Thaum mus cog muab cov ntsiab kws ntim rau hauv lub hnab ces muab khi rau ntawm duav. Yus yuav tsum nqa ib rab hlau coj mus khawb peb hlau ib lub qhov mam li muab cov noob kws faus rau hauv. Ib lub qhov tso peb plaub lub los tau,

Tom qab cog pob kws tag ces yuav tau mus cog nplej thiab. Cog nplej thiab cob pob kws tsis zoo ib yam. Cog nplej yuav tau npaj ib tug ntoo kom luaj caj dab teg los me me ntsis. Muab tus ntoo hliav kom pob thauj li ib tug ntiv tes ntawm daim tawv mus rau hauv lub plawv thiab tus ntoo ntawv tseg ntev li ib dag ntau. Thaum mus cog nplej cov txiv neej xuas hmuv nkaug qhov ua ntej ces cov poj niam sia lub hnab ntim cov noob nplej rau lawv cov txiv neej qab. Thaum ub yeej tsis pub txij neej sia hnab thiab poj niam tuav hmuv li. Tos tsi pub los yog thaum yug los ntuj yeej muab ib lub hnab los yog muab ib tug hmuv rau txhuas tus neeg los lawm. Yog hais tias koj yog poj niam ces koj yeej muaj hnab lawm los yog koj yog tus txiv neej, koj yeej muaj hmuv lawm. Nyob rau tam sim no cov poj niam uas tsis muaj txiv lawv kuj siv hmuv coj los nkaug los tsis ua cas thiab.

Hmoob lub neej nyob Nplogteb yuav tau sawv ntxov li plaub moos xwb. Tus ntxhais los yog leej niam yuav tau sawv los ua mov npaj coj mus noj tom teb thiab hau zaub pub npua,

.Thaum pom kev lawm, tus poj niam yuav tau pub npua pub qaib ceev ceev tas ces yuav los npaj mus teb,Thaum ua teb yuav tsaus ntuj cev los mus npaj tais diav rau hauv kawm. Yuav los mus txiav taws txiav tsau coj los mus siv rau tom tsev. Thaum los mus txog tsev, ces mus da dej thiab nqa dej los mus ua hmo noj Yuav pub qaib pub npua hmo no. Yuav pub qaib pub npua hmo ib yam thiab. Thaum pub npua tag ib tug los mus tsuav qos thiab kav tsawb hau npua qhauv. Muaj qee tej hmo yuav tau tuav txhuv thiab ,yog li muab hais los mas peb hmoob lub neej yeej khwv kawg nkaus lit sis hais tam sim no peb yuav nyob rau qhov twg los yeej yuav tau khwv thiaj li tau noj.

Tus tijlaug aw....kuv tsi tau paub txog hmoob nyob lostsuas txoj kev khwv noj khwv hauv li, vim kuv tuaj rau lub Techaws America no ntev lawm yeej tsi paub txog li. Uatsaug koj qhia tuaj kuv paub nej mas khwv tiag tiag li os yom tos cov ntxhais xa xa tuaj rau lub Techaws no yod.

#3 HMOOB_pebdaimavpebtebchaw_*

HMOOB_pebdaimavpebtebchaw_*
  • Guests

Posted 05 January 2015 - 02:08 AM

Thaum ub mas kuv  ho tsis pom kuv niam thiab kuv txiv lawv mus nrhiav teb li koj tham ntawd vim lub tebchaw nplog thaum ub peb nyob ntawd mas thaj av twg los yog thaj av zoo zoo ua noj ua haus nkaus xwb.

Tos peb ho mus ua teb deb deb los yog vim cov av nyob ze zos ces yeej muaj neeg luaj thiab mam ua tas ib tog zuj zus tuaj li lawm.

Ces peb yuav mus ua ib daim teb npleg ces kuv niam thiab kuv txiv nqa nqaij nqa mov thiab coj peb cov minyuam 2-3 leeg nrog lawv 2-3 yig hmoob mus ua ke ces ke mus ke xyuas teb seb puas tau muaj neeg ua thiab mam cia lawm.

Xyuas tau daim teb zoo zoo tsis tau muaj neeg ua yus nyiam lawm ces cia li ua tsev nyob ntawm daim teb ntawd puag hauv tus minyuam dej txij hauv caug ntsws si ntshiab ntshiab, muaj muaj ntses, qav, roob ris tseev noj tsis tas ces mam mus luaj thaj teb ntawd.

Luaj teb yuav tsaus ntuj tshaib tshaib plab lawm ces hnov qav quaj zom zaws nce chaw pw sawvdaws thiaj los phua tsau ces mus ntaus qav, dawj roobris, txhom ntses lo qab pob zeb mam coj los haus thiab ci noj ua hmo.

 

Thaum sawv ntxov lub caij hlawv teb thiab txhem teb tas mas mi kab txajmuag ntau li ntau lo cav ces yus mam sawv ntxov ntxov los nqa ib lub hnab mus ntes cov kab txajmuag ntawd thiab yuav yog yus tsis txhob nphav los yog ua nrov xwb ces cov kabtxjamuag ntawd yeej tso cev dov dua hauv qab ca thiab ntog raws tej qhov ntxhab ntxhab dua puag nram tej kwj ha tas li lawm mus nrhiav tes tsis tau lawv los kib noj lawm.

Kuv nyiam ntes xwb kuv tsis tau noj tabsis lawv noj noj lawm lawv hais tias qabqab tshaj kab lia no nawb.

 

ib hli tom qab xwb ces peb twb mus cog nplej tas, mi nplej ua kaus tuaj ntsuab xwb xiab puv toj puv pes hos tej pob kws twb pib dauv tw qaib zom zaws qhov txhia qhov chaw ces kuv niam thiab kuv txiv twb npaj tau ib co nqaij sawb qha qhuav qhuav yuav coj peb rov mus pw tom teb mus nthua nroj.

Peb mus nthua nroj pob kws, mus dob nplej tas ces rov los tsev, los kho txhab nplej txhab pob kws kom khov kho tos ces twb yuav txog caij rov mus hlais nplej lawm thaum mus muab cov pob kws sau yuav luag tas los ntim hauv txhab.

Ces ntaus txuas, ntaus liag tas thiaj rov mus hlais nplej, hlais hlais nplej, ntaus ntaus nplej coj los ntim puv nkaus txhab tas ces txog peb caug lawm, kuv niam thiab kuv txiv thiaj mus yuav ib co ntaub coj los xaws rau peb cov minyuam hnav yuav coj peb mus dhia qaib.

Hnub yuav noj peb caug ces peb tua qaib tua npua ntau tus coj los noj tsiab ces hnub ntawd peb txhua tus thiaj mus tom hav dej mus plhis kauv laus.

Tag kis xiab 1 xwb peb thiaj hnav cev zam tshiab tshiab yus niam thiab yus txiv npaj rau yus hnav ces cov laus coj peb mus pov pob ib hnub mas zoo siab tiag tiag li os lawv......................... :)

 

Cov neeg cog qos hauv qhov tshauv xwb ntshe tshauv nqus tsis tau dej ces qos tsis ntug los cas os.

 

 

 

 



#4 HMOOB_Woods_*

HMOOB_Woods_*
  • Guests

Posted 12 April 2015 - 07:55 AM

I reockn you are quite dead on with that.



Reply to this topic



  


1 user(s) are reading this topic

0 members, 1 guests, 0 anonymous users