Jump to content


- - - - -

Txiv Neej Thiab Txiv Neej, Pojniam Thiab Pojniam Puas Sib Txawv?

Cas Thiaj Yuav Sib Xaiv

12 replies to this topic

#1 HMOOB_Tub Hluas Hmoob_*

HMOOB_Tub Hluas Hmoob_*
  • Guests

Posted 02 January 2013 - 06:06 AM

Pojniam txhua tus tsuas zoo ib yam. Txiv neej txhua tus los tsuas zoo ib yam thiab xwb. Ua cas ib txhia thiaj yuav nrhiav thiab xaiv ua luaj?

#2 HMOOB_Nom tub_*

HMOOB_Nom tub_*
  • Guests

Posted 02 January 2013 - 06:25 AM

Nyob nyab xeeb txog tub hluas Hmoob. kuv yuav nrog koj sib pauv tswv yim qhov no.yeej yog li koj hais lawm. tabsi nws yeej muaj ib yam txawv. yog koj tsis ua zoo saib koj yuav paub tsis tau li, yam ntawd yog li no. kev hais lus. tus cwj pwm. kev xav. kev paub . lub siab zoo.& muaj kev ncaj ncees. lwm yam ces yog tuaj tom qab .vim li no peb thiab nrhiav thiab xaiv tus kom muaj cov kuv tau hais tag ntawd. txawm yog muaj tsis tag 100% los kom muaj li 85% xwb ces nyias thiaj txaus siab sib yuav tau.

#3 HMOOB_Txiv nraug cuam_*

HMOOB_Txiv nraug cuam_*
  • Guests

Posted 02 January 2013 - 03:47 PM

yuav muab hais tiag peb kev ua neej ces...ua li cuam quaj xwb ov....thaum ub cuam nqis pem...suav teb...los nrhiav zoo nuj txeeg...cuam los txog nplog teb...muaj muaj txiv hmab txiv ntoo noj li ces....cuam tsis nco qab rov mus tos poj niam me nyuam lawm...txog thaum cuam nco txog...cuam rov mus na has...suav twb muab me zoo nuj txeeg ntov tas...muab poj niam me nyuam tua tu noob tag...ces cuam ua ib siab rov los nyob nros ntshi...nyob nyob ces poj liab los thawj cuam ces cuam lam yuav poj liab...hnub twg yog tshav ntuj nrig...ntsav ntuj pib ziab tej hau roob xwb ces...txiv nraug cuam yeej quaj kau xi laws...nco txog nws tus me poj niam siab zoo....nws kau hais tias...viv cauj viv cuam kau kau!!! tseg poj niam tub sev rau tuam tshoj teb chaws suav!!! los txog rab teb rooj ntug no... poj niam paum nyob tom qho quav!!! no mas niag poj liab mas niam dhia plhaw rau ub plhaw rau no...dhia los nwj kiag me txiv nraug cuam los me txiv nraug cuam nyob tus me mluas mlob ntsia ntsoov pog tim tej me hauv roob xwb...mas niag poj liab teb hais tias...lam yuav lam yuav lam yuav...peb ua neej nyob yeej xav tau ib tug me zoo poj zoo sev...es zoo txhua yam rau yus...hais txog kev nquag,kev hlub, kev saib taus yus,thiab nws lub cev muaj yam yus nyiam tshaj...xeeb txawm muaj nrog nws...mas nej lub neej thiaj yuav tsis ua li txiv nraug cuam xwb ov...yog tias tshaib poj niam lawm ces lam yuav tso...thaum twg muaj nyiaj mam yuav dua tus tshiab no ces...yuav kau... tas yus tiam mluas mlob cia li txiv nraug cuam xwb tiag...luag tej laus ib txwm piv lus tias...tau phem teb ces tsuas xiam ib cim...tab sis tau phem poj ces xiam tas yus ib sim mog kwv tij hmoob...cov uas nej ntsia ua cas nws poj niam twb zoo kawg ua cas nws tseem pheej mus nrhiav tus tshiab ua luaj ne...no mas...nej tsis paub txog txiv nraug cuam tej kev lwj siab xwb ov...tsis muaj ib tug neeg twg es lub neej txaus siab lawm es pheej yuav lam xav mus phov kom lub neej puas ib zaug li nawb...nej mus yos hav zoo nej mus saib thaum cuam quaj xi laws...nej ntsia tus txiv cuam nws mluas mlob...yog nej txawj xav nej yeej tsis tua cuam...nej ua zoo muab saib nej los kua muag nawb kwv tij hmoob...cov cuam es txawj kau khov siab zim no...tsuas muaj nyob hauv lub teb chaws nplog nkaus nkaus xwb...lwm lub teb chaws txawm muaj cuam los cuam tsis txawj quaj khov siab li cuam teb chaws nplog...kuv thov kom peb ib tsoom hmoob nyob tim nplog pab txuag...txhob tua cuam kom tu noob....thov nej pab hwm tus cuam cia ua tsiaj sov zoo mog...

#4 HMOOB_Tub Hluas Hmoob_*

HMOOB_Tub Hluas Hmoob_*
  • Guests

Posted 03 January 2013 - 04:15 PM

Ua tsaug neb teb kuv nawb ob tug phoojywg. Kuv yeej tseem tsis to taub txog niamtxiv lub neej li vim kuv pom coob coob khub niam txiv mas tus txiv hlub hlub tus niam cia tus niam nyob hauv tsev xwb es tus txiv mam mus khwv rau noj los kawg tus niam kuj tseem mus deev hluas lawm thiab. Muaj qee tus pojniam mas hais lus mos mos rau nws tus txiv thiab ua txhua tsav yam rau tus txiv los zoo li tus txiv mas tseem nyiag kev nraim yuav mus tham hluas nkauj xwb. Puas yog lawv lam sib nyiam nraum tawv xwb, tab sis tshuav sab ntsuj plig tsis muaj kev hlub li.

Hais txog kev nkauj kev nraug yuav sib yuav es yus yuav ua li cas paub tias tus yus nyiam ntawv tus xeeb ceem zoo li cas. Sib ntsib tom tshav xwb, yus nyiam luag thiab luag nyiam yus ces sib yuav xwb. Txoj kev sib xaiv ces txawm yus yuav xaiv lawv los lawv kuj xaiv yus kawg li thiab. Puas yog yuav tsum ua phoojywg ntev ntev mam yuav? tab sis yog ua phoojywg ntev dhau lawm ces tsis sib cia siab lawm thiab.

#5 HMOOB_Hmoob_*

HMOOB_Hmoob_*
  • Guests

Posted 03 January 2013 - 06:51 PM

Leej twg thiaj li hais tias poj niam ces zoo ib yam thiab txiv neej ces tsuas zoo ib yam no, ib leeg yeej zoo txawv ib leeg lawm tiag tiag vim nyias muaj nyias qhov zoo peb thiaj li xaiv ua luaj li no ntag. Yog koj tseem tsis tau paub hais tias poj niam zoo sib txawv no ces koj yuav tau sim kom ntau koj thiaj li yuav paub vim kuv twb sim los ntau tus lawm txhua tus yeej siv txawv nyias muaj nyias thaj thiab nyias txawj nyias yam sib xyaws pes daws li ntag. Tseem muaj cov uas txaj txaj muag txog rau cov uas muaj muaj peev xwm huv tib si li os kwv ntxawg...

#6 HMOOB_Xeev Tsheej_*

HMOOB_Xeev Tsheej_*
  • Guests

Posted 03 January 2013 - 10:21 PM

Cas nej yuav pom pojniam txawj sib txawv nas. Pojniam ces txhua tus yawm saub yeej muab zoo ib yam los tsim noob neej xwb os. Yuav zoo ces ib tug xwb yeej zoo lawm. Qhov txawj ntawv yog yus tus kheej nws tsis yog pojniam nas. Cov nyiam nyiam ua hluas ces nws tsis nco qab txog nws lub neej thiab tej me tub me nyuam lawm. Neeg nyiam tham hluas nkauj ces txawm tus hauv tsev yuav zoo los nws yeej yuav tham. Nws tsuas zoo li ib tus neeg quav dej quav cawv los sis quav yeeb quav tshuaj los quav txiaj quav phaib xwb. Txoj kev nyiam ua nkauj ua nraug heev ces yuav tau lub neej poob qab txawm yuav txawj ntse thiab muaj laj kam tau nyiaj ntau vim nyiam kev lom zem rau yus tus kheej dhau lawm. Yam lom zem rau yus tus kheej ntawv tej zaum kuj tsis lom zem rau lwm tus thiab.

#7 HMOOB_txawv_*

HMOOB_txawv_*
  • Guests

Posted 03 January 2013 - 11:27 PM

Pojniam txhua tus tsuas zoo ib yam. Txiv neej txhua tus los tsuas zoo ib yam thiab xwb. Ua cas ib txhia thiaj yuav nrhiav thiab xaiv ua luaj?


Pojniam txhua tus tsuas zoo ib yam. Txiv neej txhua tus los tsuas zoo ib yam thiab xwb. Ua cas ib txhia thiaj yuav nrhiav thiab xaiv ua luaj?


kuv qhia 6 koj, zoo li koj tseem tsi tau paub txog p/n hlo li

1 xaiv tus nquag.
2 xaiv tus txhob siv nyiaj heev22.
3 xaiv tus s ntev
4 yug me nyuam kom txawj ntse
5 xaiv tus kom hwm koj & n tx kwv tij neej tsa
6 xaiv tus kom ceeb laus
7 xaiv tus txhob 9 khaum
8 xaiv tus muaj hmoo khaws nyiaj
9 xaiv tus muaj tswb 8
10 xaiv qhov kom nws ntse thiab
11xaiv tus kom nws txha loj thiab
12 xaiv tus muaj zog thiab
13 saib nws niam nws txiv seb yog hom neeg twg thiab
14 saib caj ces huv si thiab
15 saib leej n thaum ua hlua nkauj nyob nws zoo li cas

yuav tau saib cov no seb nws muaj tsawg yam ua u nyiam, p/n & tx neej ces peb xaiv li no xwb mas. qhov txawv ces txawv li hais lo no

#8 HMOOB_Tub Hluas Hmoob_*

HMOOB_Tub Hluas Hmoob_*
  • Guests

Posted 04 January 2013 - 02:13 AM

Yog peb ua neeg nyob es yuav sib xaiv kom muaj 15 yam li koj hais los no mas ntshai yuav nrhiav pojniam nyuab heev li os, tus phoojywg aw. Kuv nrhiav tus kom kuv nyiam nws thiab nws nyiam kuv xwb mas twb nyuab kawg lawm nas. Yus xaiv luag los luag kuj xaiv yus kawg li thiab. Kuv tham coob tus hluas nkauj lawm, yus nyaum qhuav paub nws me me xwb ua cas lwm tus twb muab yuav mus ua pojniam lawm. Tseem tos ntev kom paub luag meej thiab ntau npaum hais ces ntshai kawg nrhiav tsis tau pojniam li os.

#9 HMOOB_Txiv nraug cuam_*

HMOOB_Txiv nraug cuam_*
  • Guests

Posted 04 January 2013 - 03:51 AM

kuv saib mas nej txhua tus nyias puav leej hais tau yog raws nyias seem tag nrho....yog yus yuav xaiv kom luag zoo txhua yam...yus mam yuav....tej zaum yus twb ho tsis niam zoo txhua yam li luag lub siab ntshaw thiab...ces thaum yus yuav tau luag los...yus npav ua luag qhev... khwv rau luag noj xwb los luag tseem mus deev lwm tus lawm thiab....ces txoj kev sib yuav no kuv thiaj hais tias peb ua li...cuam quaj...xwb tiag....thaum nyuam qhuav pib quaj mas...kau nrov khov siab zim...tab sis lo... yuav xaus ces yeej hais tias....lam yuav lam yuav lam yuav....no xwb tiag....yog koj nyiam nws heev tshaj ces... koj yeej hlub nws tuag nthi los mas....tab sis nws... twb nyiam koj tsis tas ne....nyob hau nws lub siab...twb niaj hnub niaj hmo xav rawv cuam lub suab quaj thaum xaus xwb....yog koj yeej npaj siab tias ua ib siab yuav poj niam lau....no ces...koj tig rov los muab koj tus kheej luj kom meej....saib koj nyiam tus neeg zoo nkauj xwb pauj....los yog nyiam tus neeg coj yam ntxwv phim koj li koj seem....los yog koj nyiam tus neeg nquag...los sis tub nkeeg tsawv.... los tsuav koj lav ua nws qhev...tsuav tau nws xwb no los....yeej mus raug rau cuam lub suab thaum xaus....peb ua neeg nyob koj yog neeg tub nkeeg tsawv no ces yeej meem nrhiav tus poj niam nquag....hos koj yeej nquag heev lawm no ces yuav tus ib nyuag nkees me ntsis los tau... no xwm mas....kev ua neej ces los ntawm yus tus kheej xaiv xwb os....kuv yuav piav ib qho... paj vav...rau nej mloog...xyoo 1994 peb mus ua hauj lwm qab rooj...muaj lawv 4 yawg phooj ywg hmoob mas...txhua txhua hnub yeej tsis muaj su nqa tuaj noj li...thaum caij so noj sus ces...tsuas hais tso...pepsi...poob dig dawg haus xwb....mas tib pab me... cav yws zom zaws tias...cov yawg poj niam tub nkeeg dhau...tsis pab ua su rau yus li ces...ntshe yuav tau tseg nyiaj coj mus yuav niam yau tim nplog.los cas lau...kuv thiaj teb rau lawv tias cov yawg... neej tsa twb yeej nkaw lus rau yus tas lawm...vim yus tsis cuab pob ntseg ces....koj yuav nyiam yuav pes tsawg tus los....yeej yuav tsis tau su ntim ib yam xwb os....hos kuv poj niam wb mas niaj hnub ntim qaib vom kheej...thiab ntses xwv nrog me zaub tsuag txhua txhua hnub....kuv ntsia cov yawg no mas kuv yeej hais tias tim lawv tsis cob qhia lawv tej poj niam thaum nyuam qhuav yuav luag los tshiab tshiab...tab poj niam twb yuav sawv mus ua tshais los...ntshe tab rub poj niam pob tw kom pw twj ywm no ces...thaum kawg poj niam nkees lawm...thiaj tsis niam tau su ntim li ntawv....tim yus tus ua txiv nkaus nkaus xwb los mos lub neej ua neeg naj cov yawg...

#10 HMOOB_Xeev Tsheej_*

HMOOB_Xeev Tsheej_*
  • Guests

Posted 04 January 2013 - 07:36 AM

Raws li kuv xav mas yog yus tub nkeeg no ces yus yuav tau mus nrhiav yuav tus me tub nkeeg tsawv thiab hos yog yus nquag nquag no yus yuav tau mus yuav tus nquag thiaj tsis tau sib cav sib ceg no laiv. Vim yus nkees ces pojniam nquag nquag yus tseem pw los pojniam yuav tsa thiab nthe los sis cem yus. Yog yus nquag pojniam nkees los ntshai pojniam tsis ua dab tsi ces yus yuav yws yws nws thiab. Ob leeg nquag ces yuav ua dab tsi los ob leeg sib pab nroos. Ob leeg nkees ces ob leeg kav tsij pw kom txaus thaum twg mam sawv los tsis ua cas thiab tsev sw los yuav tsis muaj leej twg cem leej twg.

#11 HMOOB_Hmoob_*

HMOOB_Hmoob_*
  • Guests

Posted 04 January 2013 - 07:40 PM

Ua li cas nej ho yuav mus xav yuam kev deb ua luaj li nej os cov me kwv ntxawg aw!!!

Kuv twb ib txwm qhia rau nej hais tias kom xyaum mloog dab neeg keeb kwm ntawm peb kev ib txwm ua los tau ntev niaj ntau tiam no ne. Luag tej laus yeej ib txwm piav dab neeg hais tias txiv nraug ntsuag yuav xeev laus ntxhais nkauj ntxawm txiv nraug ntsuag lub neej thiaj li cia huab tais no los sav, yog nej xyaum tsis tau ces ntshe nej lub neej yeej poob qab mus tag nej tiam neej li os mog.

Vim yus tsis txawj tsis ntse yus thiaj li yuav tau nrhiav tus kom txawj kom ntse los pab yus lub neej es yus lub neej yav tom ntej thiaj li yuav vam meej. Yog yus ruam es tseem mus yuav tus ruam los nrog yus nyob xwb thiab ces ua neej rov qab lawm mog.

Hais rau cov kwv sawv daws nawb... Nej txhua leej yeej meem rau siab ntso tsom cov poj niam uas yog noob nom noob tswv, yog ntxhais nquag ntxhais khwv, ntxhais txawj ntse kawm ntau ntawv siab, muaj laj lim zoo tswv yim, muaj txiag nplua nuj, zoo nkauj raws siab xav, ntxim hlub raws siab nyiam coj los nyob nrog nej ua neej thiaj li kaj siab thiab nej lub neej thiaj li yuav zoo mog.

Cov uas tsis zoo nkauj thiab cov ruam ces cia ua niam 2-3 so ko taw xwb mog.

#12 therOOts

therOOts

    Advanced Member

  • Members
  • PipPipPip
  • 99 posts

Posted 14 January 2013 - 11:15 PM

Leej twg thiaj li hais tias poj niam ces zoo ib yam thiab txiv neej ces tsuas zoo ib yam no, ib leeg yeej zoo txawv ib leeg lawm tiag tiag vim nyias muaj nyias qhov zoo peb thiaj li xaiv ua luaj li no ntag. Yog koj tseem tsis tau paub hais tias poj niam zoo sib txawv no ces koj yuav tau sim kom ntau koj thiaj li yuav paub vim kuv twb sim los ntau tus lawm txhua tus yeej siv txawv nyias muaj nyias thaj thiab nyias txawj nyias yam sib xyaws pes daws li ntag. Tseem muaj cov uas txaj txaj muag txog rau cov uas muaj muaj peev xwm huv tib si li os kwv ntxawg...

kuv los Agree li koj hais thiab, Vim txiv neej muaj cov siab cov qi, muaj cov ntev cov lus. Pojniam muaj cov loj cov me, muaj txawj cov tsi txawj thiab sawv daws yeej txawv tag nrho. Hos piav txog cwj pwm los yeej txawv hu tib si thiab vim ib cov siab zoo ib cov siab phem, ib cov qis ib cov siab yog li ntawm kuv thiab tias txawv tag huv si.

#13 HMOOB_suabkubya_*

HMOOB_suabkubya_*
  • Guests

Posted 16 January 2013 - 05:46 PM

tus phooj ywg, kuv nug koj ib nqe lus li no: thauj koj mus yuav ris tsho los yog yuav tseb, ua li koj puas xaiv lub koj nyiam thiab lub phim koj? koj twb xaiv lub koj nyiam tshaj plaws los koj tus phooj ywg tseem tias tsis zoo, thaum koj yuav nws twb yog lub zoo thiab koj nyiam tshaj plaws, ib ntus nws twb txawj phem tuaj, koj muab cuam pov tseg, los tseem muaj tus xav tau khaws coj mus hnav, thaum muaj nqis rau lwm tus koj mam ho khuv xim, txhua lub tsheb, the same model, zoo tib yam nws tswb khiav txawv. no yog kuv txoj kev xav, ua li nej cov phooj ywg puas xav li kuv thiab?



Reply to this topic



  


0 user(s) are reading this topic

0 members, 0 guests, 0 anonymous users