Jump to content


Photo

Hmoob Teev Kua Muag Nrog

Hmoob Teev Kua Muag Nrog

3 replies to this topic

#1 nploojsiab

nploojsiab

    Member

  • Members
  • PipPip
  • 28 posts

Posted 07 September 2012 - 03:21 AM

Xyoo 1975 thaum lub 5 hlis hnub tim 19, tsoom Hmoob nyob ib cheeb tsam hauv lub xeev Xayaboury txij sab hnub tuaj rau sab hnub poob sawv daws tau sawv kev hauv nyias tej zej zog khiav los mus rau Teb chaws Thaib. Tiam sis hmoov tsis muaj sawv daws kuj los khuam nyob rau ntawd ciaj ciam teb ( Thaib thiab Nplog ) ntev li 1 Lispiam. Vim cov tub zov ciaj ciam teb tsis kam sawv daws hla los mus rau sab Thaib Teb. thaum lawv pom tau tias yog lawv tsis tso cov Hmoob los mus rau Thaib Teb mas ntshai yuav muaj teeb meem loj tshwm tuaj, yog li ntawd lawv thiaj tso Hmoob los mus raw li Hmoob lub siab xav.

Hnub tim 19 lub 6 hlis xyoo 1975, Hmoob thiaj li los txog rau huav luv Roog Aas Phaws ( PUA ). Hmoob los ua tsev vov ntaub vos yas thiab vos tauj vov nqeeb nyob dai tej qab kev tsheb txog rau xyoo 1976. Cov Nom Tswv thiab UN thiaj li pom tau tias yuav tsum tu ib qho chaw rau cov neeg no nyob, lawv thiaj li coj Hmoob los mus nyob rau lub zos Nabnyaus nyob tsis deb ntawd lub Roog ( PUA ).
Hmoob los ua lub neej txom nyem cuam siab nyob rau lub Yeej Thoj Nam Nabnyaus zoo yam tej tsiaj luag muab kawg rau hauv nkauj. Luag xov laj kab xov pos hlau nkig thoob lub Yeej tsis puab leej twg tawm tau li lub siab nyiam. Tsuas muaj ib lub rooj vag rau sawv daws tawm tuaj mus rau sab nraum xwb, tiam sis txhua leej tsuas tawm tau thaum sawv ntxov 8 : 00 am mus txog rau yav tsuas ntuj 6 : 00 pm xwb. Luag kuj tsis pub mus yos deb tshaj li lawv txoj cai, yog leej twg yuam cai kuj yuav rau muab rau txim kaw thiab. Txhua leej yuav mus ua zog los yog txiav taws yuav tau ua ntawv tau kev tso cai ntawm tus thawj tswj lub Yeej Thooj Nam mas thiaj li mus tau. Yog leej twg yuam cai thaum mus rov los yog luag paub kuj yuav rau cuab rau kawg ib yam.

Lub yeej Thoj Nam Nabnyaus, muaj neeg coob thaj tsam li 13,000 leej rau 15,000. lawv muab faib ua tej pawg los yog tej Khej raws li lub sij hawm los yog raws li lawv tej zos ib txwj nyob ua ke. Ib Khej twg kuj muaj ntau lub zos nyob ua ke rau hauv, kuj tsim muaj cov tswj rau txhua Khej thiab nrog rau cov tswv zos nyob ua ke. Lawv kuj tsa muaj ib tug sawv cev ua tus thawj Tswj lub Yeej ntawm cov neeg tawg rog thiab vim txawm sawv daws los ua neeg nyob tsis muaj teb muaj chaw los kuj muaj teeb meem ntau tsav ntau yam ua rau sawv daws ntxhov siab yam tsis muaj kev tawm. Nyob rau Yeej Thoj Nam Nabnyaus kuj tsis tau txais kev pab txaus li lub siab xav, sawv daws kuj muaj kev ntshai zaub ntshai mov tsi muaj noj txaus rau txhua leej.

Tom qab xyoo 1976 UN kuj qhib kev ua ntawv sau npe xam phaj neeg tuaj mus rau txawv teb chaws xws li Fabkis, USA, Canada, Australia thiab lwm lub teb chaw. Lub caij ntawd kuj ua rau sawv daws muaj kev nyuaj siab ntxhov plawv vim txoj kev yuav sib ncaim, ib leeg yuav mus rau ib sab ntuj, naim txiv tub, nkauj muam nraug nus, tub nyab ntxhais vaus, kwv tij neej tsa phooj ywg yuav tau sib ncaim ua rau ib txhia lub siab dua rhe vim ntshai tsam ncaim lawm yuav tsis tau rov sib ntsib ntxiv, muaj coob leej kuv rov tau sib ntsib nyob ua ke li yav thaum ub. muaj ib txhia kuj sib ncaim lawm tsis tau rov sib ntsib, tsis hnov moo los txog niaj hnub no. Lub neej tawg rog ua ib qho chaw nco thiab tshua rau peb txhua leej, vim txoj kev rau luag tsuj yam tej tsiaj nyob tsis muaj tus tswv kav ua rau Hmoob poob kua muag ntshav.

#2 tseemhlubkoj

tseemhlubkoj

    Advanced Member

  • Members
  • PipPipPip
  • 30 posts

Posted 07 September 2012 - 03:50 AM

Ncaim Nab Nyaus.

Thaum hluas los nyob Nab Nyaus ib vuag
Thaum laus nco txog lub neej dhau

Thaum ub tau nyob dhau los
Zaum no rov nco txog
Thaum ub tiv kev txom nyem
Zaum no yog ib zaj npau suav phem

Nyob ib vuag lub siab tseem tshua
Nyob ib pliag yuav nco ntsoob cim cia

Thaum txom nyem muaj kev sib nres
Thiaj hla dhau lub caij phem
Thaum muaj kev txhawj xeeb sib pab txheem
Thiaj li tau kev pheej xeeb

Nyob ib vuag dhau kev Thoj Nam thaum 1975


#3 HMOOB_lub kua muag_*

HMOOB_lub kua muag_*
  • Guests

Posted 07 September 2012 - 06:51 AM

Nyob zoo tus kwv tij hmoob zoo siab tau pom koj tus ua phooj ywg los sau tau ib zaj dab neeg kev cim tseg li ntuj qub qab los lawm yeej muaj tseeb li koj hais, txawm kuv tsis tau tawg rog khiav li hais no los kuv yeej pom tseeb-tseeb li koj tham los ko hais txog txoj kev tu siab thiab hmoob lub kua muag mas yeej muaj nyob nraim hauv txhua pab pawg hmoob lub siab tsis tag. sim neej no yog yuav rov piav hmoob txoj kev tu siab suav txij 75 los no mas tseem muaj ntau tsav ntua yam uas tu lub siab poob lub kua muag txawm lub qhov muag qi lawm los yeej tseem nco txoj kev uas luag tsim txom luag tsim li koj tham los ko tiag. ib tsoom niam txiv kwv tij neej tsa xav tias cia tsis txhob muab txoj kev tu siab kev quaj ntshuag ntuj qub qab coj los hais kom lub kua muag thiaj tsis rov poob dua no los nws niam zoo li tus pos nyob rawv hauv peb txhua tus lub me siab, yog ho cia muab tham rau suav daws rov mloog thiab paub dua los niam tu tu suav daws lub me siab tsis txawj tag cov niam txiv kwv tij neej tsa nej xav li cas xwb vim peb txoj hmoo los vim li cas tiag? cas peb lub neej ib pliag ntshis xwb twb yuav tag ib tiam koj kuv peb ua tsis tau ib yam dab tsi rau yus tsev neeg hmoob kiag li twb yuav tag ib sim neej mus koj puas tu siab thiab? yog koj maj mam zauj kom pom tej xwm txheej li hais no koj yuav tu siab thiab. yog koj tsis ua twb zoo xav ces koj yuav xav tias kev tu siab yog dab tsi? tiam sis rov qab qees tej kev ntsim siab no tej hluas xab maim no yuav tsis paub txog lawm los kuj muaj tsuas yog tseem yog tej laus paug thauv txoj kev ntsim siab kua muag ib kua muag daw xwb muab xav los tu siab kawg nawj kwv tij. zoo siab uas hnub no tuaj ntsib koj hauv no thiab. caw hais txuas mus ntxiv. ua tsaug.

#4 HMOOB_kevhlubncajncees_*

HMOOB_kevhlubncajncees_*
  • Guests

Posted 13 September 2012 - 07:13 AM

Xyoo 1975 thaum lub 5 hlis hnub tim 19, tsoom Hmoob nyob ib cheeb tsam hauv lub xeev Xayaboury txij sab hnub tuaj rau sab hnub poob sawv daws tau sawv kev hauv nyias tej zej zog khiav los mus rau Teb chaws Thaib. Tiam sis hmoov tsis muaj sawv daws kuj los khuam nyob rau ntawd ciaj ciam teb ( Thaib thiab Nplog ) ntev li 1 Lispiam. Vim cov tub zov ciaj ciam teb tsis kam sawv daws hla los mus rau sab Thaib Teb. thaum lawv pom tau tias yog lawv tsis tso cov Hmoob los mus rau Thaib Teb mas ntshai yuav muaj teeb meem loj tshwm tuaj, yog li ntawd lawv thiaj tso Hmoob los mus raw li Hmoob lub siab xav.

Hnub tim 19 lub 6 hlis xyoo 1975, Hmoob thiaj li los txog rau huav luv Roog Aas Phaws ( PUA ). Hmoob los ua tsev vov ntaub vos yas thiab vos tauj vov nqeeb nyob dai tej qab kev tsheb txog rau xyoo 1976. Cov Nom Tswv thiab UN thiaj li pom tau tias yuav tsum tu ib qho chaw rau cov neeg no nyob, lawv thiaj li coj Hmoob los mus nyob rau lub zos Nabnyaus nyob tsis deb ntawd lub Roog ( PUA ).
Hmoob los ua lub neej txom nyem cuam siab nyob rau lub Yeej Thoj Nam Nabnyaus zoo yam tej tsiaj luag muab kawg rau hauv nkauj. Luag xov laj kab xov pos hlau nkig thoob lub Yeej tsis puab leej twg tawm tau li lub siab nyiam. Tsuas muaj ib lub rooj vag rau sawv daws tawm tuaj mus rau sab nraum xwb, tiam sis txhua leej tsuas tawm tau thaum sawv ntxov 8 : 00 am mus txog rau yav tsuas ntuj 6 : 00 pm xwb. Luag kuj tsis pub mus yos deb tshaj li lawv txoj cai, yog leej twg yuam cai kuj yuav rau muab rau txim kaw thiab. Txhua leej yuav mus ua zog los yog txiav taws yuav tau ua ntawv tau kev tso cai ntawm tus thawj tswj lub Yeej Thooj Nam mas thiaj li mus tau. Yog leej twg yuam cai thaum mus rov los yog luag paub kuj yuav rau cuab rau kawg ib yam.

Lub yeej Thoj Nam Nabnyaus, muaj neeg coob thaj tsam li 13,000 leej rau 15,000. lawv muab faib ua tej pawg los yog tej Khej raws li lub sij hawm los yog raws li lawv tej zos ib txwj nyob ua ke. Ib Khej twg kuj muaj ntau lub zos nyob ua ke rau hauv, kuj tsim muaj cov tswj rau txhua Khej thiab nrog rau cov tswv zos nyob ua ke. Lawv kuj tsa muaj ib tug sawv cev ua tus thawj Tswj lub Yeej ntawm cov neeg tawg rog thiab vim txawm sawv daws los ua neeg nyob tsis muaj teb muaj chaw los kuj muaj teeb meem ntau tsav ntau yam ua rau sawv daws ntxhov siab yam tsis muaj kev tawm. Nyob rau Yeej Thoj Nam Nabnyaus kuj tsis tau txais kev pab txaus li lub siab xav, sawv daws kuj muaj kev ntshai zaub ntshai mov tsi muaj noj txaus rau txhua leej.

Tom qab xyoo 1976 UN kuj qhib kev ua ntawv sau npe xam phaj neeg tuaj mus rau txawv teb chaws xws li Fabkis, USA, Canada, Australia thiab lwm lub teb chaw. Lub caij ntawd kuj ua rau sawv daws muaj kev nyuaj siab ntxhov plawv vim txoj kev yuav sib ncaim, ib leeg yuav mus rau ib sab ntuj, naim txiv tub, nkauj muam nraug nus, tub nyab ntxhais vaus, kwv tij neej tsa phooj ywg yuav tau sib ncaim ua rau ib txhia lub siab dua rhe vim ntshai tsam ncaim lawm yuav tsis tau rov sib ntsib ntxiv, muaj coob leej kuv rov tau sib ntsib nyob ua ke li yav thaum ub. muaj ib txhia kuj sib ncaim lawm tsis tau rov sib ntsib, tsis hnov moo los txog niaj hnub no. Lub neej tawg rog ua ib qho chaw nco thiab tshua rau peb txhua leej, vim txoj kev rau luag tsuj yam tej tsiaj nyob tsis muaj tus tswv kav ua rau Hmoob poob kua muag ntshav.

Nyob zoo tus phooj ywg nploojsiab, ua tsaug rau koj uas koj tau muab cov lus no coj tuaj qhia pub rau peb sawv daws tau nyeem thiab tau paub txog Hmoob lub neej uas nws tau tshwm sim muaj nyob rau yav neej dhau los lawm ntawd. Nws kuj yog ib txoj kev txom nyem uas muaj kev hlub tshua txog rau sawv daws txhua tus kawg nkaus li os, nws yuav yog ib qho keeb kwm uas yuav tau khaws tseg ua puav pheej tau paub mus rau yav pem suab os.



Reply to this topic



  


0 user(s) are reading this topic

0 members, 0 guests, 0 anonymous users