Jump to content


Photo
- - - - -

Nrhiav qub hluas nkauj

Nrhiav qub hluas nkauj

10 replies to this topic

#1 tseemhlubkoj

tseemhlubkoj

    Advanced Member

  • Members
  • PipPipPip
  • 30 posts

Posted 17 June 2012 - 10:04 AM

nrhiav txog qhov twg los yeej tsis pom nws.
nrhiav txog hauv tojsiab los tej hneev taw twb dhau los lawm qub qub
nrhiav txog saum lubroob los twb tsis pom koj li thiab.
nrhiav qhov txhia qhov chaw los tsis pom koj tej mi qub hneev taw.
tuaj txog hauv tojsiab no yog tsis pom koj thiab kuv yuav ua li cas.

koj mus nyob rau sab ntuj twg
tus phoojywg uas ib txwm paub
kuv tuaj saub tuaj seev nrhiav koj
puas tseem noj qab thiab nyob zoo
ntau lub xyoo uas dhau los lawm
lub sij hawm dhau mus zuj zus
ntshe koj mus yog luag nplooj siab
tau neej tshiab tsis nco thaum i
koj cia li mus lawm ntsiag to
tseg kuv no ua neej dai siav
thiaj tuaj nrhiav koj txog hnauv no
koj puas nco txog kuv lawm os
kuv mam tos kom rov ntsib koj
mam li coj koj mus ua kuv qhev
ua niam tsev ua mov ua zaub
koj thiab paub tias kuv hlub koj tiag na kuv tus qub hluasnkauj

#2 HMOOB_me ab niam_*

HMOOB_me ab niam_*
  • Guests

Posted 17 June 2012 - 03:41 PM

yawg thaub tshav puam aw, sau ntawv tsis muaj qab hau li os pom xeeb sau mas yuav tsum tuav npe es luag thiaj li paub pob, npwb ua luaj

#3 HMOOB_Tsab_*

HMOOB_Tsab_*
  • Guests

Posted 17 June 2012 - 05:10 PM

Koj tus qub hluas nkauj ces tsam no nws zoo li ib pawg quav twm lawm xwb os. Txawm koj pom nws los koj yeej tsis paub nws lawm. Cia tsis txhob pom nws ntshai koj yuav nco nws dua....

#4 suab sab

suab sab

    Advanced Member

  • Members
  • PipPipPip
  • 65 posts

Posted 20 June 2012 - 12:48 AM

kuv los xav tau tus hlub ib yam nkaus li koj thiab tiah phooj ywg es tus phooj ywg uas kuv xav tua ntawm nyob qhov twg thiab ne

#5 HMOOB_puaxavtau k_*

HMOOB_puaxavtau k_*
  • Guests

Posted 20 June 2012 - 09:17 AM

ntuj aws twb yog kuv niag poj xwb lo hos, cas pheej seev222 ua luaj, tsi tau nws ces yuav kuv xwb lamas ziag no txiv neej yuav txiv neej tau lawm thiab lamas?

#6 HMOOB_Raug Luag Tso_*

HMOOB_Raug Luag Tso_*
  • Guests

Posted 22 June 2012 - 11:02 PM

Kuv los kuj xav li tus phooj ywg no thiab tiamsis......tiabsis nws tseem muaj qhov tiamsis vim tias tsam yus rov qab pom nws es nws tsis zoo li tus uas thaum is yus ib txwm hlub this tshua.

#7 HMOOB_Ib Sim Neej_*

HMOOB_Ib Sim Neej_*
  • Guests

Posted 23 June 2012 - 05:36 PM

Cov yawg, kuv tham tau ib tus hluas nkauj zoo zoo nkauj thaum tseem hluas, kuv tseem kawm ntawv ces nws txawm khiav mus yuav txiv lawm. Sim neej mob yus siab tshaj no tsis muaj. Hnov kiag tias nws khiav mus yuav txiv deb lawm no mas mob mob yus lub siab dua rhe ntshav ntws sis ib ces ntsaus tag zoo li txoj sia yuav tu tiag tiag li. Ib asthiv noj tsis tau ib dia mov haus tsis taus ib pas dej pw tsis tuaj ib lub dab ntub ntsej muag daj tag. Yus txoj sia me me zoo li yuav tuag lawm tiag tiag li. Mam xav tau tias txawm yus tuag kiag los ntshai yuav mus nrhiav tsis tau nws lawm vim tsam no nws twb ua luag poj vov luag choj. Thaum no mam ua tau ib siab rov los fuas yus txoj sia ua neeg nyob es niaj hnub no thiaj tseem muaj txoj sia nyob.

Ob xyoos tag kuv tus qub hluas nkauj no kuj tuaj saib nws tus niam laus nyob Meskas. Kuv mus pom nws ua li cas nws rog rog thiab ntsej muag zoo li plhauj taub lawm xwb. Tes taw los nrha ris lawm. Kuv nug nws tias nws puas paub kuv lawm. Nws teb tias nws tsis paub kuv. Kuv los kuj hais tias kuv tsis paub nws lawm tab sis nws lub npe mas kuv tseem nco ntsoov hauv kuv lub siab tsis tau lwj. Txij ntawd los kuv thiaj ua ib siab tsis nco nws ib qho ntxiv kiag li lawm.

Tus ntshes qab tshaj thiab yus nqhis tshaj, tab sis cuab tau tsis mus suav ces twb ntab saum nplaim dej thiab tsam tsam lawm yuav tau ua ib siab muab pov tseg xwb.

#8 HMOOB_Guest 2012_*

HMOOB_Guest 2012_*
  • Guests

Posted 29 June 2012 - 11:15 PM

Cov phooj ywg, hais txog txoj kev no mas tej thaum yus zoo siab luag twj ywm ntawm tej, tej thaum rov qab muab xav zoo zoo yus xav rov qab muab yus tus kheej ntaus. kuv hlub tau ib tug hluas nkauj hmoob yaj zoo heev wb sib hlub tau ze 6 xyoo, xyov yog hmoov tsis txog los ua cas. Kuv ho ntsib kuv pojniam nws los kuj zoo nkauj kawg li thiab kuv lub siab tsis pom qab yuav hlub leej twg, ces kuv ua 1 tug neeg, 2 lub siab, muab ib sab taw tuam 2 lub nkoj, xav tias xyov yuav dag nkawv ntev mus ntshe yuav tsis zoo tsam nkawv ob leeg ntes tau zab ces yuav nyuab, thiaj txiav txim siab yuav kuv poj niam, kuv coj poj niam los txog tsev ib hmos xwb tag kis kuv tus qub hluas nkauj los yuav kuv thiab, kuv mas ruam heev thaum ntawv (cuab 1 lub tawb mag 2 tug noog es tsis txawj yuav) kuv pojniam hais tias yog kuv tseem yuav nws ces kuv pojniam kawg tuag, kuv tseem hais rau cov laus tias kuv tsis kam yuav kuv tsuas yuav ib tug xwb, kuv qub hluas nkauj quaj quaj thiab cov laus muab kuv cem ib pluag txaus nkaus ces lawv muab kuv nplua $1500 xa nws rov qab. Niag tsov tom hluas nkauj ntawv, tseem tsis mus yuav tus qhua thiab, tseem los yuav kuv ib tug kwv, kwv tij thiab kom yus niaj hnub pom nws thiab. Zes 10 lub xyoos no lawm nws muaj 4 tug menyuam ib yam li poj niam wb thiab. Nws tseem zoo nkauj li qub, lub cev ntaj ntsug tseem zoo thaum nws 16 xyoo, pom nws thaum twg mas yus lub siab mob kub lug tias tiag tiag mas tus ntawv yog kuv tug tab sis ua cas zoo li npau suav xwb tuav tsis tau. Cov phooj ywg, pojniam lub siab yog thaum yus ua rau lawv tu siab thiab mob siab txaus nkaus lawm mas lawv yuav ua kom yus khuv xim nws thiab mob yus siab kom tag 1 txhis. yog leej twg zoo li kuv thov hlub ob leeg yus lub siab thiaj tsis zoo li tsob ntoo uas tsis tau dej es maj mam ua hnub ua hmo qhuav zum zuv mog cov phooj ywg. kuv pojniam wb ua neej zoo kawg tab sis hauv yus lub siab pheej muaj ib qhov nco thiab khuv xim nws. ua lub neej nrog vim tab sis xwb os tsoom phooj ywg.

#9 HMOOB_Pajtshiabqabzib_*

HMOOB_Pajtshiabqabzib_*
  • Guests

Posted 30 June 2012 - 05:33 AM

nrhiav ib tug tub hmoob xyooj, nyob rau hauv kuv lub neej tsis tau vwm rau ib tug txiv neej li ziag nov. Kuv twb tsis tau nws txojkev hlub, kev sov siab, thiab los lus zoo los cas kuv lam cia li muab nws tso hauv kuv lub siab es nco nws tau muaj 6 lubxyoo nov. Hmoob tej tub tsuas muab qhia rau lub ntiaj teb nov hais tias, nco koj no xwb os mog. Yog mus yuav tau poj niam lawm no, hlub hlub yus tus niam tsev es lub neej thiaj li yuav nrog luag zoo os. Mam ntsib koj dua rau lwm tiam yog hais tias muaj tiag. :mellow:

#10 HMOOB_Guest_*

HMOOB_Guest_*
  • Guests

Posted 12 September 2012 - 09:38 PM

nej leej twg paub txog 248 nyob los tsuas teb ntawm wb tau cog tseg no qhia rau hauv no los yog E-mail : kojxwb2012@yahoo
vim kuv nrog koj tham nawb.

#11 Maiv-Qaub

Maiv-Qaub

    Fwj Chim

  • Members
  • PipPipPipPipPipPipPipPipPipPipPipPipPipPipPipPipPipPipPipPip
  • 4 posts

Posted 15 November 2012 - 03:14 PM

Nrhiav Qub Hluas Nkauj;

Koj twb tsi qhias koj tus qub hluas nkauj yog xeem dab tsi thiab lub npe rau peb li es koj yuav uacas nrhiav tau nawj...

Tsam puav ho yog kuv tu Maiv Qaub no nev yod... hahahaha j/k. xwb os...



Reply to this topic



  


0 user(s) are reading this topic

0 members, 0 guests, 0 anonymous users