Jump to content


Photo

ZAJ NKAUJ ICO TSOM XYOOJ


5 replies to this topic

#1 admin

admin

    Administrator

  • Administrators
  • 88 posts

Posted 25 June 2010 - 04:53 PM

muab zaj nkauj ICU rau peb tau mloog os.
Nws yog ib tus hmoob nyob rau Laos ua hu nkauj tau zoo heev thiab os.
Tsis paub tias nej puas tau pom nws nyob Sab ntuj los tsuas teb os.

Attached Files



#2 admin

admin

    Administrator

  • Administrators
  • 88 posts

Posted 25 June 2010 - 04:56 PM

muab zaj nkauj ICU rau peb tau mloog os.
Nws yog ib tus hmoob nyob rau Laos ua hu nkauj tau zoo heev thiab os.
Tsis paub tias nej puas tau pom nws nyob Sab ntuj los tsuas teb os.


[url="http://www.youtube.com/watch?v=Bc0j3A9UWLE"]http://www.youtube.c...h?v=Bc0j3A9UWLE[/url]

#3 TusHluasSiabZoo

TusHluasSiabZoo

    Advanced Member

  • Members
  • PipPipPip
  • 228 posts
  • LocationMinnesota, USA

Posted 07 April 2011 - 09:04 AM

Tsom Xyooj yog ib tug tub hmoob hu nkauj muaj peev xwm nyob rau teb chaws los tsuas. Yog muaj sib hawm kuv tseem xav mus nrog nws ntaus phooj ywg.
Kuv mloog nws hu 2-3 zag nkauj lawm, nws yeej hu tau zoo vim nws muaj lub peev xwm los ua yeeb yam kom phim nws txoj nkauj thiaj li ua rau nws hu tau nkauj raug tib neeg siab. Thanks for the sharing.

TijLaug Charlies Posted Image

#4 HMOOB_Hmoob Leeg_*

HMOOB_Hmoob Leeg_*
  • Guests

Posted 13 November 2012 - 05:21 PM

Puas muaj leej twg nyiam Menaa thao thiab os ?




#5 HMOOB_Tusiabtshaj_*

HMOOB_Tusiabtshaj_*
  • Guests

Posted 24 December 2014 - 01:58 AM

Zaj nkauj koj tso ntawd ces zoo li zaj dab neeg nov xwb.

 

Puag thaud muaj ob niam txiv nkawd los sib yuav tau ces nkawd txom txom nyem ces tus txiv txawm hais rau tus niam hais tias kom tus niam rov qab mus nrog nws niam nws txiv nyob mus khwv 2-3 xyoo mam rov qab los.

Tus niam thiaj rov muskhwv tau 2-3 xyoo nws rov qab los, ua cas tus txiv khwv tau tsoos tsuj tsoos npuag tej niag tsev ntsawm nkaus hos tus niam ces khwv tau 2-3 nyuag raj xyoob xwb ces tus txiv txawm muab tus niam cem cem heev hos yeej tsis xav hlub tus niam li lawm.

Noj los cem, pw los cem.

Tus niam hlub hlub tus txiv nws hais ib los lus rau ts txiv mas tus txiv yeej nthe tej niag suab fee das txiav muag qawv rau tus niam tu siab heev tsis paub yuav coj li cas thiaj haum tus txiv lub siab ntshaw los kawg tus txiv twb tsis xav pom tus niam li lawm.

 

Tus niam thiaj ris nws tus mi tub ces nkawd ob niam tub thiaj khiav mus uapojntxoog lawm.

Tus txiv tos tos tsis pom tus niam los ces tus txiv thiaj mus muab tus niam 2-3 lub nyuag raj coj los thau saib no ua cas tsoos tsuj tsoos npuag yuav ntau ua luaj li lau, thau thau puv nkaus 2-3 peb lub tsev.

Tus txiv xav xav thiaj mus caum tos tus niam rov los.

Tus txv nrhiav nrhiav mus txog ib lub havzoov loj loj thiaj mus pom tus txiv tus mi tub tshaib tshaib plab zaum ntawm ib xyuv niag khaub, tus txiv thiaj khiav zoj mus nkaum ze tsawv soj, ua cas tib ntsis xwb pom leej niam mus khawb tau ib xyuv ntsuag xyoob ntsuag ntoo los cev rau tus mi tub noj ces tus niam ho rov mus khawb ceg hmab ceg ntoo lawm.

Tus txiv thiaj muab nws pob mov thiab tus qab nws ntim su tuaj ntawd dua rhe tus ncej puab thiab tsuab kiag ib thooj mov nplaum cev rau nws tus mi tub noj ces nws rov loo mus nkaum lawm.

Leejniam rov los pom nws tus mi tub noj noj tus ncej puab thiab thooj mov nplaum ces thiaj muab txeeb noj thiab hais tias mi tub leej twg muab koj noj os?. pub nws niam noj thiab nws niam tshaib tshaib plab os.

Ces tus txiv tawm plaws los ntes tau tus niam rov qab mus lawm.

Coj tus niam rov qab mus ces lawv rov qab txom txom nyem ces cia tus txiv niaj hnub mus cuab nas cuab noog ib hnub tau 2-3 tug xwb twb tsis txaus cov menyuam muab ua ib pluag tua ua kuatxob noj lawm.

Yog li tus niam thiaj kom tus txiv los nyob zov cov menyuam es cia tus niam mus cuab noog.

Tus niam mus ib hnub los mas tus niam cuab tau nas noog ntau tsis tau li laud.

Ua ua li ntawd ces lawv txawm tau tau nqaij noj seem noj so noj tsis tag li lau ces muaj ib hnub tus txiv txawm xav hais tias ab.......ua cas kuv mus cuab ib hnub tau 2-3 tug nyuag nas noog xwb tsis txaus noj, pojniam mus cuab ib hnub yuav tau ntau tas siab nrho, cia kuv sim mus nyas seb pojniam mus cuab nas noog li cas yuav cuab tau ntau tas siab nrho.

 

Ces muaj ib hnub niag niam mus cuab nas lawm niag txiv thiaj nyas raws niag niam qab mus na has uas nws pom ib ya niag cav loj loj to ib lub niag qhov ces niag niam tuaj ib niag tw txaij txaij ntev ntev ces niag niam muab niag tw cev hauv lub niag qhov ntawd rau saum qaum cav ces cuab cov ntxiab rau saum qaum cav, niag niam muab niag niam tus tw co mus co los ces nas noog coob coob pom ces nas noog coob yas los saib ces mag nas noog.

Niag txiv txawm ntshai ntshai laud, ces muaj ib hnub niag niam tab tom mus xuas tw cuab cuab nas nog, niag txiv thiaj nyas nyas mus tsawv nkaus niag niam tus ko tw ces tsawv nkaus rub ua niag niam tus ko tw txaij txaij ntawd hle hlo lawm thiaj muab nqa coj los ci rau menyuam noj.

Mob mob tus niam kotw lau, niag niam los txog tsev niag txiv twb muab nws tus tw ci rau menyuam noj tas lawm ces niag niam thiaj chim siab heev thiaj khiav mus uapojntxoog txij ntawd mus li lawm.

 

Tus niam khiav tso nws pab txiv tub tseg ces lawv nrhiav nrhiav tsis tau tus txiv li ces nyob nyob muaj ib hnub tus niam thiaj los ua npausuav rau tus txiv pom ces hais rau tus txiv hais tias, koj txiv yog koj xav xav pom kuv ces tag kis sawv ntxov koj tuaj ntsib kuv puag pem lub roob puag ped mog?.

Tus txiv xav xav ces tag kis nws thiaj sawvntxov mus txog puag pem lub niag roob siab siab ped nws txawm ntsib nws tus pojniam nrog ib pab hmoob dhau los mus.

Thaum tus niam ntsib tus txiv ces nkawd txawm zaum sib qawg quaj sib qawg quaj ib me chim, tus niam txawm hais tus txiv hais tias mi koj txiv, koj pab khawb kuv nraubqaum khaus khaus os?.

Tus txiv yaws tus niam lub tsho ces khawb no ua cas tus niam lub nraub qaum tuaj tuaj plaub li tuaj plaub xwb.

Tus niam thiab tus txiv nyob nyob lub hnub qaij hlo yuav poob lawm ces tus niam thiaj yuav mus, tus niam hais tias mi koj txiv kuv yuav mus lawm os, koj tsis txhob rawm mus mog, koj nyob nov tos thaum twg koj ntsia pom kuv mus tshwm puag nram lub niag tiaj puag nram txoj niag kev nrad lawm koj mam mus tsev nawb.

Ces tus niam mus lawm, tus txiv tos tos ib mi ntsis tus txiv saib puag nram tiaj nrad ua cas tus txiv pom tus niam twb plhis ua ib tug maum tsov txaij nraug zees thoob plaws ib ce lawm hos tsuas tshuav lub taubhau thiab lub ntsej muag lawm xwb nrog ib pab niag tsov coob coob dhau tuaj mus lawm.

 

Ces tus txiv thiaj tu siab nrho ua ib siab los nrog nws cov mi nyuam nyob tsis quaj, tsis seev thiab tsis nco txog nws tus pojniam li lawm.

 

 

Cov dabneeg nov nws yeej zoo hais kawg li os tiamsis yog raug leej twg lawm nws thiaj paub hais tias mob siab npaum li cas.

 

 



#6 HMOOB_Karthik_*

HMOOB_Karthik_*
  • Guests

Posted 12 April 2015 - 03:46 PM

hi mr mutant souabdnck again so soon after my question re the silence.after further investigation i find that the silences are indeed put there to make the lsitener listen to thier own environment ala cage but perhaps more successful as the silences appear whilst the ear has already been trained to listen to the unepxected and juxtaposed.sorry to trouble. did i saw this is a fantastic blog...? it is a fantastic blog. discovered the sperm on here a couple of days ago. something i have been wanting to hear for a long time.i dont know you but i feel like i owe you... warmest regardsnick



Reply to this topic



  


0 user(s) are reading this topic

0 members, 0 guests, 0 anonymous users