Jump to content


kwv txhiaj sib nco


6 replies to this topic

#1 HMOOB_yawgkoob_*

HMOOB_yawgkoob_*
  • Guests

Posted 07 October 2010 - 07:18 AM

niam ye! e!! niam leej ntxhais cas wb niam ua nkauj ua nraug nyob es niam hais daj tuaj rau nruab huab, hais deev tuaj nrog nruab cua niam leej ntxhais. niam hais zoo npaum luaj no es yog daj dee lawm los tsis sib tau ces ntshe yuav muab koj nco txog lawm tuaj puag hnub tuag os.
niam ye! e!! niam leej ntxhais cas wb niam ua nkauj ua nraug nyob es niam hais daj tuaj nruab siab, hais deev tuaj npaum no tsis pom koj es yog wb daj deev lawm los tsis sib tau ces ntshe yuav muab koj nco ntua lawm puag hnub ploj os.

niam ye! e!! niam leej ntxhias wb niam ua nkauj ua nraug nyob es niam zoo lawm npaum no cas wb niam tsis yog nkauj koom tshav nraug nyob mus lawm koom chaw ntshe wb niam hais daj deev zoo lawm luaj no los thiab daj tsis tau raws lawm los li siab xav es hais deev tsis raws lawm niaj mus siab ntshaw os.
niam ye! e!! niam leej ntxhais wb niam ua nkauj ua nraug nyob es niam hais zoo lawm npaum no cas wb niam tsis yog nkauj koom chaw nraug nyob mus koom tshav ntshe wb niam hais daj deev zoo luaj no los ntshe wb thiaj daj tsis tau raws lawm los li siab ntshaw es hais deev tsis tau raws lawm niaj mus xav os.

niam ye! e!! niam leej ntxhais wb niam hais zoo lawm npaum no yog koj daj tsis tau kuv mus ua lawm leej txiv es kuv hais deev tsis tau koj los ua lawm leej niam ces ntshe yuav muab wb cim plees nkauj nraug no nco lawm niaj mus ib tiam tiag os.
niam ye! e!! niam leej ntxhais wb niam hais zoo lawm npaum no es yog kuv daj tsis tau koj los ua lawm leej niam es koj deev kuv tsis tau los ua lawm leej txiv es ntshe yuav muab wb cim pless nkauj nraug no nco lawm niaj mus ib sim ces ntshe yuav tu nyog lub laj xeeb os.

**leej muam wb sib hlub npaum no es yog tsis sib tau ces ntshe koj nco kuv los tsuas nco lawm qee pliag. kuv nco koj ntshe yuav tiag tiag. yog ua neeg nyob es ua nkauj ua nraug es vim tsis paub tias tsam tsis sib tau wb niam muab hais tag txhua yam. zaum no thiaj yuav kho kuv siab ua luaj tiag. zaum no txawm tias wb tej chaw yuav nphob los koj txoj kev hlub yuav nrog kuv nyob mog. txawm tias wb tej chaw yuav qub los koj tseem yog tus kuv hlub. hais mas tu siab tshaj tiag yuam!!!! ;)

#2 HMOOB_Teb chaws nplog_*

HMOOB_Teb chaws nplog_*
  • Guests

Posted 19 March 2011 - 01:53 AM

Ua tsaug tus tij laug koj sau kom ntau tshaj los kuj ho yam zoo vim kuv xav kawm thiab.

#3 TusHluasSiabZoo

TusHluasSiabZoo

    Advanced Member

  • Members
  • PipPipPip
  • 228 posts
  • LocationMinnesota, USA

Posted 01 April 2011 - 07:18 AM

Yoj ib zaj zoo kwv txhiaj tiam sis kuv tsis txawj hais thiab seev tsis tau suab, kuv xav nrog koj txawj ua luaj los nim yuav nyuaj nyuaj...Posted Image
TijLaug Charlies Posted Image

#4 HMOOB_rebena_*

HMOOB_rebena_*
  • Guests

Posted 02 June 2011 - 02:48 AM

I agree with your conclusions made on these topic.Thanks for sharing.web design company oman

#5 HMOOB_suabkoob_*

HMOOB_suabkoob_*
  • Guests

Posted 19 July 2011 - 08:30 AM

yawg koob, koj twb laus lawm los koj tseem kho siab qas khuav thiab tuaj hais kwv txhiaj rau ntawm no, los ntev lawm tsis muaj leej twg ua koj luag, hnub no kuv yog koj tus tub suab koob, kuv tuaj hais kwv txhiaj ua koj luag.

nim ye!! paj vuam tawg tuaj nruab tsuag, kuv suab koob nim nco txog kuv me muam nkauj ntxawm qaum ntuj lub suab luag, nib tav nov!, cas niag paj vuam tawg tuaj nruab tsuag yuav txhais rheev tuaj nram tus, kuv suab koob nim nco txog kuv me muam nkauj ntxawm qaum ntuj lub me suab lus mog!!.

nim ye!! paj vuam yuas, paj vuam, od!! koj txawj tawg paj ces koj tawg paj tshiab li khiv, kuv suab koob tsis txawj tawg paj txi txiv ces, cia kuv mus ncig toj roob hauv pes saib puas yuav hnov tau kuv me muam nkauj ntxawm qaum ntuj lub suab xiv. uab ciav tav nov,!! me paj vuam yuas paj vuam od!!, koj txawj tawg paj ces,koj tawg paj tshiab qas khais, kuv suab koob tsis txawj tawg paj ntsais ces, cia kuv mus ncig toj roob hauv pes saib puas yuav hnov tau kuv me muam nkauj ntxawm qaum ntuj lub suab hais mog!!!

nim ye!! paj vuam yuas paj vuam od!! koj ces yog lub paj hmab, kuv me muam nkauj ntxawm ces yog ceeb tsheej qaum ntuj tus ntxhais mab nyob lawm puag tim tswv vaj loog sab, kuv suab koob ces yog tub hmoob yim neej tus tub yaj sab, ntshai yuav tsis muaj hnub tau me muam nkauj ntxawm los ua nyab. nib ye!!, me paj vuam, koj ces yog lub paj tawg ua rev, kuv me muam nkauj ntxawm ces yog ceeb tsheej qaum ntuj tus ntxhais me, nyob lawm puag tim tswv vaj loog tsev, kuv suab kub ces yog tub hmoob yaj sab tus tub qhe, ntshai yuav tsis muaj hnub tau muam nkauj ntxawm los ua sev, niam chim laj los chim xeeb xau xi tuaj nruab tsuag daj tsis tau deev tsis tau los mam tham tuaj nruab huab nruab cua mog! om!!!.

#6 HMOOB_dblxysec_*

HMOOB_dblxysec_*
  • Guests

Posted 01 July 2012 - 08:43 PM

nkazuyg

#7 HMOOB_Muajzoo_*

HMOOB_Muajzoo_*
  • Guests

Posted 05 December 2012 - 02:42 PM

niam leej ntxhais koj nco kuv nco npaum cas?, kuv nco koj mas nco tis ua nco...nco nco ua qhov muag liab tas.

niam leej ntxhias koj nco kuv nco npaum twg?, kuv nco koj mas nco tis ua nco...nco nco ua kua muag tau yees yam lub lwg.



Reply to this topic



  


0 user(s) are reading this topic

0 members, 0 guests, 0 anonymous users